“Si Moises kag ang Man-og nga Saway,” Mga Sugilanon sa Daan nga Katipan (2022)
“Si Moises kag ang Man-og nga Saway,” Mga Sugilanon sa Daan nga Katipan
Si Moises kag ang Man-og nga Saway
Pagtuon nga mag-angkon sang pagtuo sa Ginuo
Samtang nagapanglakaton ang mga Israelnon sa kamingawan, masami nila nga nagakalimtan ang Ginuo kag nagareklamo. Nagpadala ang Ginuo sang mga man-og para buligan sila nga mangin mapainubuson kag dumdumon Sia. Ginkagat sang mga man-og ang mga tawo, kag madamo sa katawhan ang nagkalamatay.
Sang ulihi naghinulsol ang mga tawo. Ginpangabay nila si Moises nga magpangamuyo sa Ginuo para magkaladula ang mga man-og. Wala ginpangtabog sang Ginuo ang mga man-og. Pero naghimo Sia sing paagi para ang mga tawo maluwas kon makagtan sila.
Ginhambalan si Moises sang Ginuo nga maghimo sang man-og nga human sa saway kag ibutang ini sa tukon. Kon ang mga tawo makagtan kag magtulok sa man-og nga saway, ginaluwas sila sang Ginuo. Ginbuligan sang Ginuo ang mga Israelnon nga mangin mapainubuson kag magsalig sa Iya.