1 Samuel 2–3

Si Samuel nga Propeta

Ang bata nga lalaki nga gintawag sang Ginuo

Si Eli nga nagasugilanon sa mga tawo

Sa malawig nga panahon, ang mga Israelnon wala sing propeta sang Ginuo nga nagagiya sa ila. Sa baylo, mga hukom ang nagapamuno sa Israel sa madamo nga tinuig. Sa sining panahon, gindala ni Ana ang iya bata pa nga anak nga si Samuel para magpuyo upod kay Eli, ang pari kag hukom sang Israel. Ginbuligan ni Samuel si Eli sa templo.

1 Samuel 2:11, 18, 26; 3:1

Ang mga anak ni Eli nga nagapangawat sang mga bagay

Ang duha ka anak ni Eli nagaalagad sa templo, pero ginapangawat nila ang mga halad nga para sa Ginuo. Pila ka tawo ang nagreklamo kay Eli, pero wala sila ginsilutan ni Eli.

1 Samuel 2:12–17, 22–23

Si Samuel

Isa ka gab-i nakabati si Samuel sang tingug nga nagatawag sa iya. Abi niya si Eli, gani nagpalapit si Samuel sa iya. Pero wala si Eli magpanawag sa iya. Ginhambalan ni Eli si Samuel nga magbalik tulog.

1 Samuel 3:3–5

Si Samuel nga nagasugilanon kay Eli

Nabatian ni Samuel ang tingug nga nagatawag sa iya sa ikaduha nga tion. Nagpalapit sia kay Eli kag ginpamangkot kon ano ang iya kinahanglan. Pero wala si Eli nagpanawag sa iya. Ginhambalan ni Eli si Samuel nga magtulog.

1 Samuel 3:6

Si Eli nga nagasugilanon kay Samuel

Nabatian ni Samuel ang tingug nga nagpanawag sa iya sa ikatatlo nga tion. Nagbalik sia liwat kay Eli kag nagpamangkot kon ano ang iya kinahanglan. Sa sini nga tion, nahibal-an ni Eli nga ang Ginuo ang nagahambal kay Samuel. Ginhambalan ni Eli si Samuel nga magbalik tulog. Siling ni Eli nga kon manawag liwat ang Ginuo, dapat mamati si Samuel.

1 Samuel 3:8–9

Si Samuel nga nagasugilanon sa Dios

Nabatian ni Samuel ang tingug nga nagapanawag liwat sa iya. Sa sini nga tion ginpangabay ni Samuel ang Ginuo nga maghambal kag nagsiling nga magapamati sia. Ginhambal sang Ginuo kay Samuel nga indi husto nga ginapabay-an lang ni Eli ang iya malain nga mga kabataan nga mag-alagad sa templo. Ang pamilya ni Eli indi na pagtugotan nga mag-alagad pa didto.

1 Samuel 3:10–14

Si Samuel kag si Eli nga nagasugilanon

Sang madason nga adlaw, nagpamangkot si Eli kay Samuel kon ano ang ginhambal sang Ginuo. Ginsugiran sia ni Samuel. Nahibal-an ni Eli nga naghambal ang Ginuo paagi kay Samuel.

1 Samuel 3:15–18

Si Samuel nga nagatulok sa mga tawo

Ang balita naglapta sa bug-os nga duta sang Israel. Nahibal-an sang mga tawo nga ginpili sang Ginuo si Samuel nga mangin Iya propeta.

1 Samuel 3:19–20