Genesis 1–2; Moises 1–3; Abraham 3–5

Ang Pagtuga sang Duta

Matahum nga puluy-an para sa mga anak sang Amay nga Langitnon

Ang Dios kag ang Ginuo nga nagatuga sang uniberso

Ginpresentar sang aton Amay nga Langitnon ang plano sang kaluwasan sa langit. Tanan kita nagsininggit sa kalipay! Mahimo kita magkadto sa duta para magbaton sang pisikal nga lawas. Samtang ara sa duta, magatuon kita nga sundon ang Anak sang Dios, ang Ginuong Jesucristo. Gintuga sang Ginuo ang duta nga ginasunod ang mga panulin sang Dios.

Genesis 1:1; Job 38:4–7; Moises 1:32–33; 2:1; Abraham 3:22–27

planeta sa kahawaan

Sa una nga adlaw, ginseparar sang Ginuo ang kasanag kag ang kadulom. Gintawag Niya ang kasanag nga adlaw kag ang kadulom nga gab-i.

Genesis 1:3–5; Moises 2:3–5; Abraham 4:1–5

mga panganod kag kadagatan

Sa ikaduha nga adlaw, Iya gintunga ang mga tubig sa mga panganod sa langit kag mga kadagatan sa duta.

Genesis 1:6–8; Moises 2:6–8; Abraham 4:6–8

kagulangan malapit sa kadagatan

Sa ikatatlo nga adlaw, ginporma sang Ginuo ang dalagko nga mga kadagatan kag ang mala nga duta. Gintawag Niya ang mga tubig nga dagat kag ang mala nga duta nga duta. Ginpatahum Niya ang duta bangud sa mga bulak, mga prutas, mga tanom, kag mga kahoy.

Genesis 1:9–13; Moises 2:9–13; Abraham 4:9–13

paglaragway sang gab-i kag adlaw

Sa ikaapat nga adlaw, gintuga Niya ang adlaw para magsilak kon adlaw. Dayon gintuga Niya ang bulan kag mga bituon nga magsilak kon gab-i.

Genesis 1:14–19; Moises 2:14–19; Abraham 4:14–19

mga tinuga sa dagat

Sa ikalima nga adlaw, ginhimo sang Ginuo ang isda sa dagat kag ang mga pispis sa langit. Ginbendisyunan Niya ang mga tinuga para magdamo kag ginbedisyunan ang mga isda para magpuno sag mga katubigan.

Genesis 1:20–23; Moises 2:20–23; Abraham 4:20–23

mga kasapatan sa kagulangan

Sa ikaanum nga adlaw, Iya gintuga ang mga sapat sa duta, ang iban nagalakat kag ang iban nagakamang.

Genesis 1:24–25; Moises 2:24–25; Abraham 4:24–25

Si Adan kag Eva sa Hardin sang Eden

Ang Amay nga Langitnon kag ang Ginuo nagpanaog sa duta sa ikaanum nga adlaw. Ang lalaki kag babayi gintuga sa dagway sang Dios. Ginhambalan sila sang Amay nga Langitnon nga atipanon nila ang isa kag isa kag mag-angkon sang mga anak. Ang lalaki kag babayi ginsaligan man sa pag-atipan sang duta kag mga kasapatan.

Genesis 1:26–27; Moises 2:26–27; Abraham 4:26–31; 5:7–8

Si Adan kag si Eva nga nagatulok sa mga kasapatan

Malipayon ang Amay nga Langitnon sa tanan nga Ila gintuga. Sa ikapito nga adlaw, nagpahuway Sila sa tanan Nila nga buluhaton. Ang duta matahum kag puno sang kabuhi.

Genesis 2:1–3; Moises 3:1–3; Abraham 5:1–3