Genesis 30; 37

Ang Inspirado nga mga Damgo ni Jose

Ang kabudlayan sang pamilya nga magpalanggaanay

si Jacob kag Jose sa iya kunop

Si Raquel kag Jacob nagpangamuyo sing tinuig para makaangkon sang anak nga lalaki. Ginsabat sang Ginuo ang ila mga pangamuyo sang matawo si Jose. Si Jose ang paborito ni Jacob nga bata, kag ginhatagan niya si Jose sang espesyal nga kunop. Nangimon ang 10 ka magulang nga kabataan ni Jacob.

Genesis 30:22–24; 37:1–4

si Jose nga nagapaathag sang damgo parte sa trigo

Sang si Jose mga 17 katuig ang pangidaron, nakabaton sia sang inspirado nga damgo sa diin nagapanipon sia sang trigo sa uma upod ang iya mga utod. Ang kay Jose nga binugkos sang trigo nagtindog sing tadlong. Pero ang mga binugkos sang trigo sang iya mga utod nagaduko sa binugkos ni Jose. Sang ginsugid ni Jose sa iya mga utod ang iya damgo, nangakig sila sa iya.

Genesis 37:2, 5–8

si Jose nga nagapaathag sang damgo parte sa mga bituon

Sang ulihi, may isa pa ka inspirado nga damgo si Jose. Sa sining damgo, ang adlaw, ang bulan, kag ang 11 ka mga bituon nagduko sa iya. Ginsugid ni Jose sa iya pamilya ang parte sa damgo. Daw ginapakita sining damgo nga si Jose magagahum sa ila pamilya. Labi pa gid nga nangakig ang mga utod ni Jose sa iya. Wala sila nanamii sang iya mga damgo.

Genesis 37:9–11

si Jose nga ginatan-aw ang iya mga utod

Isa ka adlaw ang mga utod ni Jose naglakat sa malayo para magpahalab sang mga karnero. Ginpalakat ni Jacob si Jose para tan-awon sila.

Genesis 37:12–19

mga kauturan ni Jose

Gusto sang pila sa kauturan ni Jose nga patyon sia. Ginkuha nila ang kunop ni Jose kag ginhulog sia sa buho.

Genesis 37:20–24

si Jose sa sulod sang buho

Samtang ara si Jose sa buho, nakakita ang iya kauturan sang mga nagapanglakaton pakadto sa Egipto. Nagdesisyon ang mag-ululutod nga ibaligya si Jose bilang ulipon sa mga nagapanglakaton kabaylo sang 20 kabilog nga pilak.

Genesis 37:25–28

dugo sa kunop ni Jose

Dayon ginbutangan sang mga utod ni Jose ang iya kunop sang dugo sang kanding. Nagbalik ang mag-ululutod sa ila amay nga si Jacob, kag ginpakita sa iya ang kunop. Nagbinutig sila kay Jacob kag ginsiling sa iya nga ginpatay si Jose sang mga sapat nga talunon.

Genesis 37:31–33

si Jacob nga nagahibi

Naghibi si Jacob tungod abi niya patay na si Jose.

Genesis 37:32–35

si Jose nga nagapangabuhi bilang ulipon sa Egipto

Pero buhi pa si Jose. Ato sia sa Egipto malayo sa ila puluy-an, nga nagapangabuhi bilang ulipon.

Genesis 37:36