Jeremias 1–52

Si Jeremias nga Propeta

Gintawag antes sia mabun-ag

si Jeremias nga ginatawag bilang isa ka propeta

Si Jeremias nag-estar sa Jerusalem sang bata pa sia. Isa ka adlaw nagkadto ang Ginuo kay Jeremias kag gintawag sia para mangin propeta. Ginsiling sang Ginuo kay Jeremias nga napili na sia nga mangin propeta antes pa sia mabun-ag. Nakahibalo ang Ginuo nga mangin mabudlay ang kabuhi ni Jeremias. Pero ginpromisa Niya kay Jeremias nga mangin kaupod niya Sia pirme.

Jeremias 1:1–10

si Jeremias nga nagapaandam sang katawhan

Ang mga tawo sa Jerusalem wala nagtuman sang ila mga promisa sa Ginuo. Tungod sang ila kalainan, ginpaandaman ni Jeremias ang mga tawo nga pagasakupon sila. Nagsiling ang Ginuo nga kon tipigan nila ang Adlaw nga Inugpahuway nga balaan, ang siyudad sang Jerusalem indi pagagub-on. Pero wala nagpamati ang mga tawo.

Jeremias 6:1–19; 8–9; 17:21–27

si Jeremias sa prisohan

Gintudloan ni Jeremias ang mga tawo sa madamo nga tinuig. Pero wala sila naghinulsol. Sa baylo, ginsakit nila si Jeremias kag ginpriso.

Jeremias 20:2; 26:8–9; 37:15–18; 38:6

si Jeremias nga nagatan-aw sa Jerusalem nga nagakaguba

Palangga ni Jeremias ang mga tawo. Naghibi sia tungod sang ila mga sala. Pareho sa iya ginsiling, naguba ang Jerusalem, kag ginpangdakop ang mga tawo.

Jeremias 9:1–8; 25:9–12; 52:1–10

si Jeremias nga nagasulat sang mga propesiya

Gindala si Jeremias sa Egipto. Ginsilingan sia sang Ginuo nga isulat ang iya mga propesiya. Gintuman ni Jeremias ang Ginuo bisan pa nga mabudlay ang sitwasyon. Padayon Niya nga ginhambalan ang iya katawhan nga tumanon ang ila mga pangako sa Ginuo.

Jeremias 36:1–2, 27–32