Mga Hukom 6–7

Ang Kasoldaduhan ni Gideon

Pagsalig sa Ginuo sa giyera

mga Midianhon nga nagapangawat sang pagkaon

Ang katawhan sang Israel ginbugayan sa madamo nga tinuig. Pero ginpili nila nga supakon ang Ginuo. Agud buligan sila nga madumduman Sia, gintugotan sang Ginuo nga kuhaon ang ila pagkaon kag mga kasapatan sang ila mga kaaway nga Midianhon. Ginpanggutman ang mga Israelnon, gani nadumduman nila ang Ginuo kag nagpangamuyo sa Iya para sa bulig.

Mga Hukom 6:1–7

anghel nga nagasugilanon kay Gideon

Si Gideon isa ka tawo nga halin sa pigado nga pamilya. Nagpadala ang Ginuo sang anghel para tawgon sia nga hilwayon ang Israel. Natingala si Gideon kon ngaa sia ang ginpili sang Ginuo.

Mga Hukom 6:11–15

katawhan nga akig kay Gideon sa tupad sang ginwasak nga dios-dios

Ginhambalan sang Ginuo si Gideon nga panggub-on ang mga lugar kon diin nagasimba ang mga Israelnon sang sayop nga mga dios. Sang gintuman ni Gideon, nangakig ang mga tawo.

Mga Hukom 6:25–27

tatay ni Gideon nga ginaprotektahan sia sa akig nga mga tawo

Gusto sang mga Israelnon nga patyon si Gideon. Pero ginkumbinsi sila sang tatay ni Gideon nga indi nila sia pagsakiton. Naluwas si Gideon sa katalagman.

Mga Hukom 6:28–32

si Gideon nga nagapangamuyo

Wala naghunahuna si Gideon nga mahilway niya ang Israel. May masobra 135,000 ka mga soldado ang ara sa kasoldaduhan sang Midianhon. Pero ginhatagan sang Ginuo si Gideon sang kaalam kag kusog.

Mga Hukom 6:13–16; 8:10

mga soldado nga nagabiya sa kasoldaduhan

Gusto sang Ginuo nga mahibal-an sang mga Israelnon nga sarang sila magdaog upod ang Iya kusog, indi sa ila kusog. Bisan pa nga ang Israel may 32,000 lamang ka mga soldado, ginhambalan sang Ginuo si Gideon nga papulion ang bisan sin-o sa mga soldado nga ginakulbaan. Sang magpuli ang 22,000, ang nabilin na lang sa mga Israelnon amo ang 10,000 ka mga soldado.

Mga Hukom 7:2–3

mga soldado nga nagainom sang tubig

Nagsiling ang Ginuo nga ang 10,000 ka soldado tama gihapon kadamo. Ginhambalan Niya si Gideon nga dalhon ang mga soldado sa tubig. Ang mag-inom direkta halin sa tubig gamit ang ila mga baba papaulion. Ang magagamit sang ila mga kamot sa pag-inom sang tubig magapabilin. Karon 300 na lang ka tawo ang nabilin.

Mga Hukom 7:4–7

mga soldado sang Israel dala ang mga trumpeta kag mga lampara sa palibot sang kampo sang mga Midianhon

Sa katapusan, handa na ang mga Israelnon nga makig-away. Ginpakita sang Ginuo kay Gideon kon paano pierdehon ang mga Midianhon. Ginhambalan ni Gideon ang iya kasoldaduhan nga gamiton ang mga trumpeta kag mga lampara para mahadlok sila. Ang gahod kag kasanag nagpakibot sa mga Midianhon amo nga nagsugod sila sa pag-inaway sa isa kag isa. Dayon nagsininggit sila kag nagpinalagyo.

Mga Hukom 7:16–22

si Gideon nga ginapangunahan ang mga soldado

Tungod nagsalig si Gideon sa Ginuo, napierde sang mga Israelnon ang dako nga kasoldaduhan sang mga Midianhon paagi lamang sa 300 ka mga soldado. Ginhilway sang Ginuo ang katawhan sang Israel.

Mga Hukom 7:23–25