“Si Daniel kag ang Kuweba sang mga Leon,” Mga Sugilanon sa Daan nga Katipan (2022)
“Si Daniel kag ang Kuweba sang mga Leon,” Mga Sugilanon sa Daan nga Katipan
Daniel 6
Si Daniel kag ang Kuweba sang mga Leon
Kaisog sang isa ka tawo nga magpangamuyo
Si Dario nangin tagpamuno sang Babilonia. Palangga niya si Daniel kag gusto niya sia himuon nga lider sa bilog nga ginharian. Ang pila sa mga mangin-alamon sang hari ang nahisa.
Nakahibalo ang mga mangin-alamon nga si Daniel nagapangamuyo sa Dios, gani ila gin-into ang hari nga maghimo sang bag-o nga layi. Ang sin-o man nga magpangamuyo sa Dios ihaboy sa kuweba sang mga leon.
Ginpili ni Daniel sa gihapon nga magpangamuyo sa Dios. Nakita sang mga mangin-alamon si Daniel nga nagapangamuyo kag ginsugid sa hari nga wala ginasunod ni Daniel ang layi. Narealisar sang hari nga gin-into lang sia sang iya mga mangin-alamon. Ginpangitaan niya sing paagi para luwason si Daniel, pero kinahanglan nga tumanon sang hari ang iya mismo nga layi.
Ginhaboy si Daniel sa kuweba sang mga leon. Nagpulaw ang hari sa bilog nga gab-i, nga nagapuasa para maprotektahan si Daniel.
Aga pa sang madason nga adlaw, nagdalidali ang hari sa kuweba sang mga leon. Gintawag niya si Daniel para mahibaloan kon bala buhi pa sia. Nagsabat si Daniel! Ginsugiran niya ang hari nga nagpadala ang Dios sang anghel para kiputon ang mga baba sang mga leon. Wala sia ginhalitan sang mga leon.
Nalipay ang hari nga wala maano si Daniel. Ginsilotan niya ang mga mangin-alamon nga nag-into sa iya, kag gin-untat ang layi. Gintudloan niya ang iya ginharian parte sa gahum kag kaayo sang Dios.