Exodo 2–3

Si Moises nga Propeta

Gintawag para hilwayon ang katawhan sang Ginuo

Egiptohanon nga nagabakol sang Israelnon

Si Moises nagdako bilang bata sang anak nga babayi sang Faraon. Nakita ni Moises nga mapintas ang mga Egiptohanon sa mga Israelnon. Nasuboan sia nga ginhimo sang mga Egiptohanon ang mga Israelnon nga ila mga ulipon.

Exodo 2:10–11

Si Moises nga ginapangapinan ang Israelnon

Isa ka adlaw nakita ni Moises ang isa ka Egiptohanon nga ginasakit ang isa ka Israelnon. Para apinan ang Israelnon, ginpatay ni Moises ang Egiptohanon.

Exodo 2:11–14

Si Moises sa kamingawan

Sang matukiban ini ni Faraon, gusto niya nga patyon si Moises, pero nalagyo si Moises palayo sa Egipto.

Exodo 2:15

Si Moises kag ang iya pamilya

Nakalab-ot si Moises sa lugar nga gintawag Midian, sa diin nakilala niya ang babayi nga ang ngalan Zipora. Nagpakasal sila kag nakaangkon sang mga anak.

Exodo 2:21–22

Si Moises nga nagatulok sa nagakalayo nga sapinit

Samtang nagaistar sa Midian, nakakita si Moises sang sapinit nga nagakalayo, pero wala masunog sang kalayo ang sapinit. Nagpakita ang Ginuo sa kalayo kag nakighambal kay Moises.

Exoduo 3:1–6

Si Jesus nga nagasugilanon kay Moises

Nagsiling ang Ginuo kay Moises nga nagaantos ang mga Israelnon sa Egipto. Ginsugo Niya si Moises nga magbalik sa Egipto kag hambalon si Faraon nga buy-an ang mga Israelnon. Nagsiling ang Ginuo nga Iya buligan si Moises nga hilwayon ang mga Israelnon kag dalhon sila sa duta nga ginpangako.

Exodo 3:7–18