iKau

Ke o iko vakai iko o sotava tiko na veivakatotogani se veimaliwai vata kei na dua e vakaoqori, na idusidusi oqo ena rawa ni dua na veivakalougatataki ki na nomu bula. Ena veivakadonui nei Alcoholics Anonymous, sa cokonaki kina na 12 na ikalawa me oka kina na ivunau, ivakavuvuli, kei na vakabauta ni Lotu i Jisu Karisito ni Yalododonu Edaidai. Ena idusidusi oqo, era sa tuvai tu na veikalawa vata kei na dua na ivakavuvuli ni kosipeli e veiwekani. Na idusidusi oqo ena vukei iko mo vulica na iwalewale ni kena vakayagataki na veikalawa oqo. Se cava ga na kemu ituvaki, na veikalawa oqo ena rawa ni vukei iko mo lako mai vei Karisito ka ciqoma na veivakalougatataki ni vakabulai kei na veivakabulai.

Na veivakatotogani e rawa ni okati kina na vakayagataki ni veika me vaka na tavako, alakaolo, kofi, ti, kei na wainimate vakatabui kei na wainimate gaga. Na veivakatotogani e rawa talega ni okati kina na itovo me vaka na veimauilavo, saravi ni iyaloyalo vakasisila, dodomo ca, itovo ni veiyacovi tawadodonu, qito ena vidio, vakayagataki sega ni veiganiti na tekinolaji, kei na kana sega ni bulabula. E dina ni ra vakasamataka na kenadau ni veiqaravi vakavuniwai na veivakatotogani e dua na mate vakayago, ia na yasana vakayago e tiki walega ni leqa. Na veivakatotogani e tara na vakasama, yago, kei na yalo, e dodonu kina me wali na mate veitauvi kece sara.

Na idusidusi oqo e sega ni vakatabakidua ki na dua na veivakatotogani. Dina ga ni duidui na mataqali veivakatotogani era sotava tiko na tamata, e levu era kunea e dua na iwali kilai levu ena sala e tuvai tu ena idusidusi oqo. E ivola ni cakacaka ka vakaibalebaletaki vua e dua e gadreva me bula mai na mataqali veivakatotogani cava ga. Na idusidusi oqo sai koya na ivola taumada ni wiliwili ena soqoni veitokoni ni veivakatotogani ka cicivaka na Lotu i Jisu Karisito ni Yalododonu Edaidai.

O ira na tagane kei na yalewa era sa sotava oti na revurevu ni veivakatotogani eso ka sotava na veivakabulai balavu ena dua na gauna balavu a veivuke ena kena vakatorocaketaki na idusidusi oqo ka ra sureti me ra wasea na veika era sa sotava ena nodra vakayagataka na 12 na ikalawa. Na nodra ivakarau ni rai (na “o keda” ena idusidusi oqo) e vakayagataki me vakaraitaki kina na yaluma ni veivakatotogani kei na reki ni nodra vakabulai kei na veivagalalataki. E rawa ni o kunea na vakacegu kei na veitokoni mai vei ira na tamata oqo. O ira na iliuliu ni Lotu kei na kenadau ena veivakasalataki, era sa okati tale ga ena volai kei na kena vakatorocaketaki na idusidusi oqo. Na umanivata ni nodra yalomatua kei na kilaka na dauvolaivola e vuqa oqo, e vakarautaka e dua tale na ivakadinadina ni dina ni Veisorovaki i Jisu Karisito, kei na kena rawa ni veivagalalataki mai na veivakatotogani.

Keitou sureti kemuni mo ni lako mai ki na dua na soqoni ni veivakabulai. (“Oi keda” na tagane kei na yalewa eda sa sotava na revurevu rerevaki ni veivakatotogani eso ka ra sa sotava oti e dua na veivakabulai balavu.) Na idusidusi ni kena kunei e dua na tamata, vidio, talevoni, se bose volai (ena veivakadonui) era sa vakarautaki tu ena mataveilawa ni Parokaramu ni Veivakatorocaketaki ni Veivakatotogani (AddictionRecovery.ChurchofJesusChrist.org). Kakua ni vakatara me tarovi iko na nomu rere mai na veivakalougatataki ni tiko ena dua na soqoni ni veivakabulai. Yalovinaka mo kila ni soqoni oqo era vanua ni kila ka, inuinui, kei na veitokoni, na vanua o na raica kina ni o sega ni tiko duadua ka ko na raica ni rawa ni vakalesui mai. Keitou raica ni idusidusi oqo ena mana sara ni keitou cakacakataka na veikalawa ena dua na dauveitokoni kei na neitou bisopi. Eso vei keimami e okati kina e dua na daunivakasala cecere ena neimami ilakolako ni bula.

Na veivakabulai e tekivu nida yalodina da qai vakatusa nida sotava na veivakatotogani. Vei ira eso, na nodra kilai ira nira bobula ena soqoni ni veivakabulai ena vukei ira mera yalodina ka nanuma na kaukauwa ni nodra veivakatotogani. Ia, meda qarauna meda kua ni yalana na noda inuinui se nuitaka na Kalou. Kevaka eda vakamacalataki keda ni da sa bobula, eda na rairai cakitaka ena sega ni nakita me vakabulai keda o Jisu Karisito ka veisautaka na keda ituvaki. Nida sa bula vinaka tiko, e dodonu meda raica kece na veiraurau ni noda dau dina ena kaukauwa ni veivakatotogani, ia ena gauna vata oqori eda nuitaka ni rawa ni vakalesui keda tale mai o Jisu Karisito me vakacavara kina na bulabula vakayalo.

Kevaka o nanuma ni o na rawa ni veivakatotogani ka gadreva vakalevu duadua mo sereki, se kevaka o sa tu vakarau mo tara cake na gagadre, keitou sureti iko mo tomani keimami ena vulici kei na bulataki ni ivakavuvuli ni kosipeli i Jisu Karisito me vaka sa tuvai koto ena idusidusi oqo. Keimami vakadeitaka vei iko ni kevaka o na muria na salatu oqo ena yalodina, ko na kunea na kaukauwa o gadreva mo vagalalataki kina mai na veivakatotogani.

E vakamacalataka o Elder Robert D. Hales: “Na veivakatotogani sai koya na gagadre ni tamata vakayago, ka na sega ni rawa ni vakacegui. E ka ni kana e sega ni vakacegui rawa“ (“Yaco me Dauveiqaravi ena Bula Vakayago ka Vakayalo,“ Liaona, Me 2009, 10).

Sa qai vakamacalataka na sala e vuqa na tamata era sa coriti tu ena veivakatotogani me ra vakila: “Ia ni da luve ni Kalou, na noda viakana titobu duadua kei na ka meda vakasaqara sai koya na ka e rawa duadua ga ni vakarautaka na Turaga—Na Nona loloma, Nona yalo ni yaga, Nona veitaqomaki, Nona yalodei, Nona inuinui ena veisiga ni mataka, kei na veivakadeitaki ni Nona loloma, ka na kauta mai vei keda na reki tawamudu (“Yaco me Ra Dauveiqaravi Ena Bula Vakayago ka Vakayalo,“ 10).

E dina ga ni na rairai sega ni rawa ni rawai na duidui ni vanua eda tiko kina kei na vanua eda gadreva me da tiko kina, na Parokaramu ni Veivakatotogani kei na idusidusi oqo sa vukei ira e vuqa na tamata me ra lako ena gaunisala mai na veivakatotogani ki na veivakabulai, ka rawa ni vukei iko mo cakava vakakina.