Vakavinavinaka

Na Veivakabulai mai vua na iVakabula: Na Parokaramu ni Veivueti mai na Veivakatotogani ni-iDusidusi ni 12 na iKalawa ni Veivueti sa mai cokonaka na 12 na ikalawa taumada ni Alcoholics Anonymous World Services, Inc. ki na dua na ituvatuva ni vunau, ivakavuvuli, kei na vakabauta ni Lotu i Jisu Karisito ni Yalododonu Edaidai. Na imatai taumada ni 12 na ikalawa era sa volai tu eke, kei na 12 na ikalawa me vaka e vakayagataki ena parokaramu oqo era sa na basika tiko ena vo ni idusidusi oqo.

Na 12 na ikalawa sa tabaki tale ka sa cokonaki ena veivakadonui ni Alcoholics Anonymous World Services, Inc. (AAWS) Na veivakadonui me tabaki tale ka cokonaki na 12 na ikalawa e sega ni kena ibalebale ni AAWS sa railesuva se vakadonuya na lewe ni ivola oqo se ni AAWS e duavata kei na rai e vakamacalataki tiko eke. Na Alcoholics Anonymous (AA) e dua na parokaramu ni veivueti duadua ga mai na daumateni. Na vakayagataki ni 12 na ikalawa me semati ki na parokaramu kei na itaviqaravi ka sa ivakarau ena AA ia oqori e wali kina na leqa tale eso se ena dua tale na itukutuku sega ni AA e sega ni kena ibalebale e dua tale na ka. Kena ikuri, ni AA e dua na parokaramu vakayalo, ia na AA e sega ni parokaramu vakalotu. O koya gona, na AA. e sega ni ravi se sema ki na dua na isoqosoqo, taba ni lotu, se vakatabakidua ki na dua na vakabauta vakalotu.

Na 12 na iKalawa ni Vueti mai na Alcoholics Anonymous (Daumateni)

Keimami vakadinadinataka ni keimami sa malumalumu ena alakaolo—sa yaco me keimami sega ni lewa rawa na neimami bula.
Sa mai vakabauta kina ni dua na Kaukauwa e levu cake mai vei keimami e rawa ni vakalesui keimami tale ki na bula vinaka.
Cakava e dua na vakatulewa me solia na lomai keimami kei na neimami bula ki na veimaroroi ni Kalou me vaka na neimami kilai Koya.
Cakava e dua na veiilovi ena yalo e sega ni rere baleta nai tovo ni neimami bula savasava vakaikeimami.
Talaucaka vua na Kalou, ki vei keimami, ki vua talega e dua na tamata nai tuvaki dina ni neimami cakacala.
Ka tuvakarau me kauta laivi na Kalou nai tuvaki ca kece ni itovo ni bula oqo.
Kerei Koya ena yalomalumalumu me kauta laivi na neimami cakacala.
Cakava e dua na lisi ni tamata kece keimami a vakamavotaki ira, ka lomasoli me sausaumi lesu vei ira kecega.
Sausaumi lesu vakadodonu vei ira na tamata oqori ke rawa, vakavo ga ke vakayacori vakakina e na veivakacacani vei ira se so tale.
Tomana tikoga na dau dikevi ni bula yadudua ka ena gauna keimami cala kina me tukuna sara vakatotolo.
Vakasaqara ena masu kei na vakanananu vakatitobu me vakatorocaketaki na neimami kidava tiko na veitaratara vata kei na Kalou me vaka keimami sa kilai Koya, ka masu me baleta ga na kilai Ni lomana me baleti keimami kei na kaukauwa me vakayacori kina.
Ni sa yaco mai na veivakayadrati vakayalo ena vuku ni vei iKalawa oqo, keimami sa tovolea me kauta na itukutuku oqo vei ira na daumateni, ka vakayacora na ivakavuvuli oqo ena veitiki ni neimami bula kece sara.

Alcoholics Anonymous World Services, Inc.®