ការការពារការរំលោភបំពាន
នៅក្នុងចំណងទាក់ទងដ៏ល្អ មនុស្សសូមអភ័យទោសចំពោះពាក្យសម្ដី និងទង្វើមិនល្អ ហើយពឹងផ្អែកលើកម្លាំងដ៏ធួនរបស់ព្រះអង្គសង្គ្រោះ ដើម្បីជួយពួកគេឲ្យប្រសើរឡើង ហើយប្រែចិត្ត ។ ប៉ុន្តែនៅក្នុងស្ថានភាពដែលមិនល្អ មនុស្សបន្តប្រព្រឹត្តដោយមិនសប្បុរសចំពោះអ្នកផ្សេងទៀត ហើយចំណងទាក់ទងទាំងនោះអាចក្លាយជាការរំលោភបំពាន ។
ប្រធាន រ័សុល អិម ណិលសុន បានបង្រៀនថា « [ ការរំលោភបំពាន និង ] ទង្វើអាក្រក់ទាំងនេះ គ្មានកន្លែងនៅក្នុងនគរព្រះឡើយ » ( « ទ្រព្យសម្បត្តិខាងវិញ្ញាណ » សន្និសីទទូទៅខែ តុលា ឆ្នាំ ២០១៩ ) ។ អត្ថបទក្នុងទស្សនាវដ្ដីសាសនាចក្រមួយចំនួននៅក្នុងខែនេះ នឹងជួយយើងកំណត់ និងដោះស្រាយអំពីការរំលោភបំពាន ៖
-
ក្នុងអត្ថបទរបស់ខ្ញុំនៅទំព័រ ១៨ ខ្ញុំនិយាយពីលក្ខណៈនៃការរំលោភបំពាន ហើយចង្អុលបង្ហាញធនធានមួយចំនួនដើម្បីជួយបងប្អូន ឬមនុស្សដែលបងប្អូនស្គាល់ ឲ្យស្គាល់ និងបានទទួលការព្យាបាលពីចំណងទាក់ទងដែលរំលោភបំពាន ។
-
នៅទំព័រ ៥៨ យុវនារីម្នាក់ចែកចាយពីបទពិសោធន៍របស់នាងពីការដែលត្រូវបានរំលោភបំពានខាងផ្លូវភេទពេលនៅជាកុមារម្នាក់ និងអំពីរបៀបដែលនាងអាចស្វែងរកភាពក្លាហាន និងកម្លាំងដើម្បីនិយាយប្រាប់ និងស្វែងរកជំនួយពីមជ្ឈិមវ័យដែលនាងទុកចិត្ត ក៏ដូចជាពីព្រះអង្គសង្គ្រោះ ។
-
ក្នុង ប្រិយមិត្ត ទំព័រ ខ១២ នៃខែនេះ បងប្អូនអាចរកឃើញសកម្មភាពសរសេរ ដើម្បីជួយពិភាក្សា « ការនិយាយទេ » ជាមួយកូនៗបងប្អូន ។ សូមពិចារណាលើការប្រើប្រាស់សកម្មភាពនេះ ជាមូលដ្ឋានសម្រាប់មេរៀនរាត្រីជួបជុំក្រុមគ្រួសារស្ដីអំពីការការពារការរំលោភបំពាន ។
-
ការរំលោភបំពានខាងអារម្មណ៍ អាចបណ្តាលឲ្យមានគ្រោះថ្នាក់ផងដែរ ការរំលោភបំពានប្រភេទផ្សេងទៀត។ សូមអាន “ ការទទួលស្គាល់ ការរំលោភបំពានខាងអារម្មណ៍” នៅក្នុងការបោះពុម្ពឌីជីថល បញ្ហានេះដើម្បីរៀនពីសញ្ញាព្រមានចំនួន ៥ និង វិធីដើម្បីជួយ. ។
ប្រសិនបើបងប្អូនត្រូវបានបំពាន បងប្អូនអាចងាកទៅរកព្រះដើម្បីបានការណែនាំ និងការព្យាបាល ហើយស្វែងរកជំនួយពីបុគ្គលដែលបងប្អូនទុកចិត្តផងដែរ ។ ព្រះអម្ចាស់យល់ពីអារម្មណ៍របស់យើង ហើយទ្រង់នឹងដឹកនាំយើងទៅកាន់ទីសុវត្ថិភាព និងអំណរ ពេលយើងងាកទៅរកទ្រង់ ។
ចូរឲ្យយើងទាំងអស់គ្នាទទួលអារម្មណ៍ពីសេចក្ដីស្រឡាញ់នៃព្រះ ហើយទៅរកទ្រង់ជារៀងរាល់ថ្ងៃ
បណ្ឌិត ជេសិន ប៊ី វៃធិង
សាកលវិទ្យាល័យព្រិកហាំ យ៉ង់ សាលានៃជីវិតគ្រួសារ