ចូរមកតាមខ្ញុំ ៖ ព្រះគម្ពីរមរមន
តើយើងចូលរួមនៅក្នុង « កិច្ចការដ៏អស្ចារ្យ » របស់ព្រះអម្ចាស់យ៉ាងដូចម្ដេច ?
( ថ្ងៃទី ១២–១៨ ខែ តុលា )
នៅក្នុងចំណោមកិច្ចការជាច្រើនដែលព្រះអង្គសង្គ្រោះបានបង្រៀនពួកសាសន៍នីហ្វៃ ទ្រង់បានបង្រៀនពួកគេអំពីការប្រមូលផ្ដុំវង្សអ៊ីស្រាអែល ហើយបានបញ្ជាពួកគេឲ្យសិក្សាព្រះគម្ពីរ និងរក្សាបញ្ជីផ្ទាល់របស់ពួកគេ ។ តើយើងអាចធ្វើតាមការបង្រៀនទាំងនេះ នៅសព្វថ្ងៃនេះយ៉ាងដូចម្ដេច ?
ចូលរួមនឹងកិច្ចការនេះ
ព្រះយេស៊ូវគ្រីស្ទបានព្យាករអំពី « កិច្ចការដ៏អស្ចារ្យ » មួយនៅក្នុងថ្ងៃចុងក្រោយ ( សូមមើល នីហ្វៃទី៣ ២១:៩ ) ។ កិច្ចការនោះគឺជាការប្រមូលផ្ដុំវង្សអ៊ីស្រាអែល ។ ប្រធាន រ័សុល អិម ណិលសុន បានហៅការណ៍នេះថាជា « កិច្ចការដ៏សំខាន់បំផុតនៅលើផែនដីសព្វថ្ងៃនេះ » ហើយបានមានប្រសាសន៍ថា « បើប្អូនៗជ្រើសរើស បើប្អូនៗចង់ធ្វើ ប្អូនៗអាចធ្វើជាចំណែកដ៏សំខាន់ក្នុងកិច្ចការនេះ » ។១
-
តើបងប្អូន និងគ្រួសារបងប្អូនអាចរៀនបន្ថែមទៀត និងចូលរួមក្នុងការប្រមូលផ្ដុំអ៊ីស្រាអែលយ៉ាងដូចម្ដេច ?
ចូរពិចារណាមើលសេចក្ដីព្យាករណ៍នៃពួកព្យាការី
ព្រះអង្គសង្គ្រោះបានបញ្ជាពួកសាសន៍នីហ្វៃឲ្យ « ពិចារណាមើលសេចក្ដីព្យាករណ៍នៃពួកព្យាការី » ( នីហ្វៃទី៣ ២៣:៥ ) ។ យើងមានឱកាសដើម្បីស្ដាប់ឮព្យាការីដែលនៅរស់ និងថ្នាក់ដឹកនាំសាសនាចក្រផ្សេងៗទៀតនៅក្នុងសន្និសីទទូទៅ ។
-
តើបងប្អូនអាចធ្វើអ្វីខ្លះដើម្បីទទួលបានកាន់តែច្រើនឡើងចេញពីសន្និសីទទូទៅ ?
-
តើការ « ពិចារណាមើលសេចក្ដីព្យាករណ៍ នៃពួកព្យាការី » ជួយយើងនៅក្នុងការប្រមូលផ្ដុំវង្សអ៊ីស្រាអែលយ៉ាងដូចម្ដេច ?
ការរក្សាបញ្ជីមួយ
ព្រះយេស៊ូវបានបញ្ជាពួកសិស្សសាសន៍នីហ្វៃរបស់ទ្រង់ ឲ្យរក្សាបញ្ជីមួយអំពីការបង្រៀនរបស់ទ្រង់ និងការព្យាកររបស់សាំយ៉ូអែលជាសាសន៍លេមិន ( សូមមើល នីហ្វៃទី៣ ២៣:៤, ៦–១៣ ) ។ ស្រដៀងគ្នានោះដែរ យើងអាចរក្សាបញ្ជីនៃបទពិសោធន៍ជីវិតរបស់យើង ដើម្បីជួយយើង និងដើម្បីបង្រៀនដល់មនុស្សផ្សេងទៀត ។
-
តើមានបទពិសោធន៍ខាងវិញ្ញាណពីអតីតកាលអ្វីខ្លះ ដែលបងប្អូនពុំបានកត់ត្រាទុក ?
-
តើបងប្អូនអាចកត់ត្រាការណ៍ទាំងឡាយដែលព្រះកំពុងបង្រៀនបងប្អូនយ៉ាងដូចម្ដេច ?