ចូរមកតាមខ្ញុំ ៖ ព្រះគម្ពីរមរមន
តើយើងអាចដកពិសោធព្រះចេស្ដានៃការប្រោសឲ្យជារបស់ព្រះគ្រីស្ទដោយរបៀបណា ?
( ថ្ងៃទី ២៨ ខែ កញ្ញា–ថ្ងៃទី ១១ ខែ តុលា )
នៅក្នុងការងារបម្រើរបស់ព្រះយេស៊ូវគ្រីស្ទដល់ពួកសាសន៍នីហ្វៃ ទ្រង់បានបង្ហាញសេចក្ដីស្រឡាញ់ដ៏អស្ចារ្យ និងព្រះចេស្ដានៃការប្រោសឲ្យជារបស់ទ្រង់ដល់អស់អ្នកដែលបានមកកាន់ទ្រង់ ។ តើយើងអាចរៀនអ្វីខ្លះចេញពីបទពិសោធន៍របស់ពួកសាសន៍នីហ្វៃជាមួយនឹងព្រះអង្គសង្គ្រោះ ?
ការសាកល្បងរបស់ពួកសាសន៍នីហ្វៃ
ជាច្រើនទសវត្សរ៍មុនការយាងមករបស់ព្រះយេស៊ូវគឺមានភាពច្របូកច្របល់ ។ ពួកសាសន៍នីហ្វៃបានស៊ូទ្រាំនឹង ៖
-
ភាពវឹកវរខាងស៊ីវិល ( សូមមើល នីហ្វៃទី៣ ៧:១–៤ ) ។
-
ភាពទុច្ចរិត និងអំពើគួរខ្ពើមឆ្អើម ( សូមមើល នីហ្វៃទី៣ ២:៣; ៧:៧ ) ។
-
ការប្រកាន់វណ្ណៈ ( សូមមើល នីហ្វៃទី៣ ៦:១០–១៤ ) ។
-
ការធ្វើទុក្ខបុកម្នេញខាងសាសនា ( សូមមើល នីហ្វៃទី៣ ១:៩ ) ។
-
សង្គ្រាម ( សូមមើល នីហ្វៃទី៣ ២:១៧ ) ។
-
គ្រោះធម្មជាតិអំឡុងពេលភាពងងឹតបីថ្ងៃ ( សូមមើល នីហ្វៃទី៣ ៨ ) ។
ការងារបម្រើរបស់ព្រះគ្រីស្ទទៅកាន់ពួកសាសន៍នីហ្វៃ
ពេលព្រះអង្គសង្គ្រោះបានយាងមកជួបពួកសាសន៍នីហ្វៃ ទ្រង់បានអញ្ជើញពួកគេទាំងអស់គ្នាដែល « រងទុក្ខដោយហេតុណា » ( នីហ្វៃទី៣ ១៧:៧ ) ឲ្យមក ហើយបានការប្រោសឲ្យជា ។ ការអញ្ជើញរបស់ទ្រង់គឺលើសពីការសាកល្បងបច្ចុប្បន្នរបស់ពួកសាសន៍នីហ្វៃទៅទៀត ។ វាអនុវត្តចំពោះរបួសដែលមើលឃើញ និងមើលមិនឃើញ ដែលពួកសាសន៍នីហ្វៃអាចមានអស់ពេញមួយជីវិតរបស់ពួកគេ ។ ព្រះយេស៊ូវគ្រីស្ទបានប្រោសឲ្យ « គ្រប់ៗគ្នា » បានជាសះស្បើយ ( នីហ្វៃទី៣ ១៧:៩ ) ហើយបានផ្ដល់ការងារបម្រើដល់ពួកគេ « ម្ដងម្នាក់ៗ » ( នីហ្វៃទី៣ ១៧:២១ ) ។