Eja, Më Ndiq: Libri i Mormonit
Çfarë do të Thotë ta Kemi Emrin e Krishtit të Shkruar në Zemrat Tona?
20–26 Prill Mosia 4–6
Në Librin e Mormonit, njerëzit thirren me shumë emra – nefitë, lamanitë dhe anti‑nefi‑lehitë janë vetëm disa prej tyre. Por mbreti Beniamin dëshironte që populli i tij të thirrej me një emër më të lartë, më të shenjtë – emrin e Jezu Krishtit.
Kjo është mënyra se si ne mund ta mbajmë emrin e Shpëtimtarit “gjithmonë të shkruar në zemrat t[ona]” (Mosia 5:12):
Besëlidhni nëpërmjet Pagëzimit
Në pagëzim, ne besëlidhim me Perëndinë që të marrim mbi vete emrin e Krishtit. Si mendoni, çfarë do të thotë kjo? (Shih Mosia 18:8–9.)
Merreni Sakramentin
Ne urdhërohemi ta marrim sakramentin me denjësi çdo javë. Gjatë sakramentit, ne zotohemi sërish ndaj besëlidhjes sonë për të marrë mbi vete emrin e Jezu Krishtit (shih Moroni 4:3).
Veproni si Dishepull i Krishtit
Besëlidhjet tona kërkojnë që ne t’i zbatojmë urdhërimet. Veprimet tona duhet të pasqyrojnë dëshirën tonë për ta ndjekur Krishtin dhe për t’u bërë si Ai. Teksa e bëjmë këtë gjë, ne mund të vazhdojmë të thirremi me emrin e Tij. Kjo është mënyra se si e mbajmë emrin e Krishtit të shkruar në zemrën tonë (shih Mosia 5:12).