Të Dashur Prindër,

Dear Parents

Nga fillimi i pranverës së vitit 1820, Jozef Smithi iu lut dhe i pa Atin Qiellor dhe Jezu Krishtin. Kjo revistë flet për atë periudhë të veçantë. Këtu janë disa faqe për t’i shqyrtuar:

• Një tregim me figura tregon se si Kisha e Rivendosur është pjesë e planit të Perëndisë (M4–10).

• Presidenti Nelson tregon se si mund të ndihmojmë për Rivendosjen (M2).

• Një këngë e re na mëson për Vegimin e Parë (M16–17).

• Një tregim na mëson se si Rivendosja mund t’i bekojë familjet tona (M20–21).

A nuk është e mrekullueshme që ne mund t’i përkasim Kishës së Jezu Krishtit të Shenjtorëve të Ditëve të Mëvonshme? Le t’ia tregojmë botës lajmet e mira për Jezusin dhe Kishën e Tij!

Gëzuar Pashkën!

Miku

Si t’i Dërgoni Veprat e Artit ose Përvojën e Fëmijës Suaj te Liahona

Shkoni te liahona.ChurchofJesusChrist.org dhe klikoni te “Submit an Article or Feedback” [“Dërgoni një Artikull ose Lini një Përshtypje”]. Ose na e dërgoni me postë elektronike te [e-mail] së bashku me emrin, moshën, vendbanimin e fëmijës suaj dhe këtë deklaratë për leje: “Unë, [vendosni emrin tuaj], i jap leje Kishës së Jezu Krishtit të Shenjtorëve të Ditëve të Mëvonshme ta përdorë materialin e dorëzuar nga fëmija im në revistat e Kishës, te faqet e internetit dhe platformat e mjeteve shoqërore të informimit të Kishës dhe ndoshta te materiale të tjera të Kishës”. Mezi presim të dëgjojmë prej jush!

© 2020 nga Intellectual Reserve, Inc. All rights reserved

Gjeje Liahonën e fshehur brenda revistës!