Naan eo Āliktata
Irooj in Deka in Jabōn em̧ Eļap an Tōmak eo Ad.
Jān juon ekōnono an kweilo̧k eo eļap an Oktoba 1984.
Ilo kajjojo tampeļ kāāl ewōr ad dekā in jabōn em̧ iien aje ekkar n̄an iminene eo me ej wanlikļo̧k n̄an iien ko etto. M̧okta jān kōjerbal jimeeņ eo, pedped ko an dāpdep ko an m̧weo kar door dekā ko reļļap. Juon ron̄ kōn kūbwiji, im dekā ko rekōn likūti āinwōt pedped ko. Jino kōn juon jikin m̧oktata, pedped dāpdep eo ekōn ekkal ilo juon wōt jekjek n̄an juon dekā in jabōn em̧ eo; innām kona eo ej oktak im dāpdep eo ej ekkal n̄an kona eo tok juon, ijo bar juon dekā kar likūti, jān eo me dāpdep eo ekar ekkal n̄an kona eo tok juon, im jān ijo n̄an jikin ijjino eo. … Dekā eo āliktata kar kōnono kake āinwōt lukuun dekā in jabōn em̧ eo, im an likūt ilo jikin ekar erom un eo kōn eļap kam̧ōņōņō. Kōn an dekā in jabōn em̧ eo pād ilo jikin, pedped eo ekar pojak n̄an dipio in m̧weo. Menin ej āinwōt ta eo Paul ekōn kōmeļeļeik Kabun̄ eo em̧ool:
“Innām kiiō kom̧ jab bar ruwamāejet im ri ito-itak, a kom̧ citizen ippān ro rem̧m̧an, im kom̧ nukun Anij;
“Im em̧ōj kalōk kom̧ ioon foundesōn an rū jelōk kab ri kanaan, Kraist Jisōs ej make lukkuun dem̧an em̧;
“Ilo E men in kalōk otemjej em̧m̧an er karōk n̄an doon, rej eddek n̄an juon tempel e kwōjarjar ilo Irooj” (Epesōs 2:19–21).
Ewōr ad dekā in jabōn em̧ ko raorōk me Kabun̄ in ilo raan-ko āliktata kar ejaki jān Irooj im kalōki, “em̧m̧an aer karōk n̄an doon.” Rej lukkuun in aorōk n̄an jerbal in, lukkuun in pedped eo, ej pedped eo me Kabun̄ ej pedped ioon. … [Bōtaab] Ikar ba kōn lukkuun dekā in jabōn em̧ eo, eo jej kile im kauteij āinwōt Irooj Jisōs Kraist. …
E eo ej lukkuun dekā in jabōn em̧ eo an Kabun̄ eo an Jisōs Kraist im Armej ro Rekwojarjar ilo Raan-ko Āliktata. Ejjeļo̧k bar juon letok ibwilijin armej me jemaron̄ mour (lale Jerbal 4:12). E ej rilo̧mo̧o̧r an lo̧mo̧o̧r eo ad, riletok mour indeeo (lale Hibru 5:9). Ejeļo̧k āinwōt E. Em̧ool ejamin wōr. Em̧ool eban wōr. Kam̧m̧oolol Anij kōn menin letok eo kōn Nejin Jitenbōro Emake Wōt, eo Eaar letok mour eo an bwe jen maron̄ mour im e eo ej irooj, dekā in jabōn em̧ in ad tōmak im Kabun̄ in An.