Iakwe jān Democratic Republic eo an Congo!

Hello from the Democratic Republic of the Congo

Iakwe, kōmij Margo im Paolo!

Kōmij loļo̧k Democratic Republic eo an Congo, ak D. R. Congo.

D. R. Congo ej pād ilo ioļapļap in Africa. Enan̄in 80 milien armej ro rej jokwe ie.

M̧ōttan eo eļap in D. R. Congo enan̄in aolepān ej bukwin wōjke. Ej jikin eo n̄an aolep menin mour ko rekalimomo, āinwōt eļbōn ko, kuriļļa ko, im raino ko. Menin mour in ej ņa etan okapi.

D. R. Congo ej bun̄bun̄ kōn jin̄a in etto ko raiboojoj, ekoba annan̄ ko kōm̧m̧an jān aļaļ, iiep ko āji, im māj ko.

Mijenede ro jān kabun̄ eo ad raar jino katakin armej ro ilo D. R. Congo ilo 1986 eo. Kiiō enan̄in 60,000 armej ro rej uwaan Kabun̄ eo an Jisōs Kraist im Armej ro Rekwōjarjar ilo Raan-ko Āliktata.

Ilo D. R. Congo, elōn̄ wōt armej rej kōnono kajin Būranej ilo m̧ōnjar eo. Ej kajin eo aolep rej kōnono ilo laļ eņ. Bōtaab ewōr enan̄in 250 kajin ko jet kōnono ilo D. R. Congo!

Iiō in D. R. Congo kar bōk tampeļ eo an kein kajuon! Ro uwaan Kabun̄ in rej lukkuun em̧ōņōņō kōn an wōr juon tampeļ ilo laļ eņ aer.

Kom̧m̧ool kōn am̧ etale D. R. Congo ippam̧. Bar lo eok iien in tok!

Lale jet iaan ro m̧ōttam jān D. R. Congo!

“Juon Jabōt, ekar wōr rūtariņae ro aolep jikin, im ro jinō im jema raar ba enaaj kar pen n̄an etal n̄an jar. Iaar jiron̄ ro jinō im jema bwe kōmij aikuj in pād ilo kweilo̧k in kwojkwoj eo. Ippān doon kōm kar kwaļo̧k tōmak im kar etal n̄an jar n̄an kautiej raan eo an Irooj.”

Prodi K., 7 iiō dettan, Kinshasa, Democratic Republic eo an Congo

“Ij iakwe jipan̄ ro jet. Juon raan ilo kūlaaj eo aō, juon ajri eaar būrom̧ōj ilo iien kakkije eo kōnke eaar ejjeļo̧k jabdewōt n̄an m̧ōn̄ā. Iaar etal n̄an ippān im kwaļo̧k ippān ta eo iaar bōke n̄an m̧ōn̄ā.”

Célia Tshidibi K., 5 iiō dettan, Kinshasa, Democratic Republic eo an Congo

Kwoj ke jān D. R. Congo? Jeje tok n̄an kōm! Kōmij m̧ōņōņō in ron̄ jān kwe! Lale peij J24.