Ro Jinen im Jemān Rejitōn Bōro,
Juon iaan tokjān enaan ko ilo Kallim̧ur Ekāāl ej bwe jen maron̄ lo aenōm̧m̧an im lan̄lōn̄ ilo Kraist, jekdo̧o̧n ta ewi wāween mour ko. Māākjiin eo an allōn̄ in ej kwaļo̧k juon kam̧ool eo āinwōt.
-
Ilo peij J4, juon ļaddik ej bōk aenōm̧m̧an n̄e ej bōk ettōņak ko renana.
-
Ilo peij J8, juon leddik elōn̄ an nan̄inmej in Down syndrome ej keememej bwe Jemedwōj Ilan̄ ej iakwe e.
-
Ilo peij J15, juon peba ekilep ej katakin bwe aolep men jemaron̄ kōm̧m̧ane kōn jipan̄ eo an Jisōs Kraist.
-
Ilo peij J20–23, Paul ej kōm̧m̧ane juon waanjon̄ak kōn tōmak.
Ilo am̧ riiti māākjiin in ippān doon, kappukot wāween ko Jisōs im Jemedwōj Ilan̄ rej jipan̄ armej ro ilo kajjojo bwebwenato kein. Komaron̄ jeiki juon ļain ium̧win naan kein me rej kōmeļeļeiki apan̄ ko rej jelm̧aiki. Innām doululi naan ko me rej kōmeļeļeiki ta jipan̄ ko rekar būki. Āinwōt juon baam̧le, kōnono kōn wāween an mālijjon̄ ko kar būki jet iien, im bar jet iien kar kōm̧m̧an bwe jen kajoor n̄an dāpļo̧ki mālijjon̄ ko. Jekdo̧o̧n jekjek rot, Jisōs im Jemedwōj Ilan̄ rej iakwe kōj im rej pād ippād!
Kōmij kōjatdikdik enej juon lan̄lōn̄ elem̧ōņōņō n̄an kwe.
Eo Jera