Digital Wōt: Rūm̧m̧an Ded ro
Wāween Aō Katak kōn Ta in Kōm̧m̧ane N̄e Juon Armej ej Kwaļo̧k Epen Aer Kajjieon̄ Bōjrak jān Alooje Pija ko Renana
Rijeje eo ej jokwe ilo Utah, USA.
Iar jeļā ium̧win elōn̄ allōn̄ ko bwe eaar wōr juon men ebōd, bōtaab eaar jab m̧ae iien in me eo m̧ōtta eaar kwaļo̧k m̧ool eo n̄an n̄a ilo alikkar: elōn̄ iiō ko in an liin kar kajjieon̄ bōjrak jān alooje pija ko renana, enan̄in aolepān iien eo iaar jeļā kajjien.
Ke iaar jijjet ilowaan wa eo im ron̄jake an kwaļo̧k ruwōn, ikar kam̧m̧oolol. Jab kabōd eō––ikar lukkuun metak kōn aō jeļā kōn an to an kar en̄taan ak ekar jab kwaļo̧ke n̄an eō–– bōtaab ikar m̧ōņōņō bwe iaar pād ilo juon jikin eo ijo imaron̄ kar uwaak kōn iakwe ijello̧kin ekajet.
Kōn Jab Jouj Ejjamin Kabun̄ bōro
Jet iien jeļā eo bwe pija ko renana ej nana emaron̄ ukōt ad kalimjōk ro jet. Ijeļā kake ekar āindein n̄an n̄a juon iien. Ke iaar dik, ikōn ron̄ kōn armej ro rej kakkōt ippān pija ko renana im en̄jake eo aō itulowa ekōn illu im em̧ool kōm̧ļan̄lōn̄. Bōtaab ke eo m̧ōtta ekar jiron̄ eō kōn en̄taan ko an, iaar pād ilo juon jikin em̧m̧anļo̧k n̄an kaenōm̧m̧an e kōnke eaar ļapļo̧k aō jeļā kōn jerawiwi ko aō make im m̧ōjņo̧ ko ium̧win iiō ko.
Ijeļā kiiō bwe jab jouj aolep iien ejjamin kabun̄ bōro. Jisōs Kraist, eo ej waanjon̄ak eo ad eweepān, ekar pukōt armej ro me raar kowaan er jān ro jet. Ekar kōnono ippān Risamaria ro im rijerawiwi ro. Kraist, eo ej jab maron̄ “kalimejek jabdewōt jero̧wiwi n̄an jidik” (Katak im Bujen Ko 1:31), ej kalimjek “kōj, jab wānōk eo ad, ilo mijak im nana.”1 Kōn menin ilo aō kōm̧mane ekōnono em̧wilaļ ippān eo m̧ōtta, ikar ļōmņak kōn ta eo Jisōs enaaj kar kōm̧m̧ane. Bwebwenato eo kōn kōrā eo ekar loe ruwōn kōn ļōn̄ eaar jipan̄ eō jeļā ta eo in kōm̧m̧ane.
Uwaak kōn Meanwōd
Rijikūraib ro im Riperiji ro raar rej mour kōn kien Moses ilo iien jerbal in karejar eo an Jisōs eaar jab ļap meanwōd. Kar wōr kaje ko relukkuun allikar, ekkā aer kōmmetak, kaje ko kar liļo̧k kōn jerawiwi ko, im raar kade ro me raar kōm̧m̧an jerawiwi in ļōn̄. Ak ke raar bōktok kōrā in me ekar ļōn̄ n̄an Jisōs, ekar jab illu– ekar kwaļo̧k meanwōd. Ijjello̧kin kōjeraam̧m̧an rikinaakļo̧k ro kōn aer pukot juon eo ekar kōm̧m̧an jerawiwi, ekar kakeememej rikinaakļo̧k ro kōn jerawiwi ko aer make (lale Jon 8:3-7). Ālkin men otemjej, kōj “otemjej raar jerọwiwi im rej likjab jān aiboojoj an Anij” (Rom 3:23). Kraist ekar jab liaakļo̧k rijerawiwi eo, im ilo m̧ool jjejjab aikuj in kōm̧m̧ane barāinwōt (lale Jon 13:34-35).
Ke rikinaakļo̧k ro raar ilo̧k, eddo in ļōmņak kōn bōd ko aer, Kraist ekar kōnono n̄an kōrā eo. Naan ko An raar iiet ak rekar kajoor. Ekar m̧oktata kajjitōk, “Kōrā, ewi ro raar kinaakḷọk eok? Ejjeḷọk juon ear liaakḷọk eok ke?” Im ke lio ekar uwaak bwe raar jako, Ekar ba, “Im N̄a I jab liaakḷọk eok; kwōn ilo̧k im jab bar jero̧wiwi” (Jon 8:10-11).
Ņa ruwōn eban kar jipan̄ kōrā in bwe en oktak, bōtaab Rilo̧mo̧o̧r eo ekar jeļā bwe iakwe emaron̄ in kar.
Ilo̧k, im Jab Bar Jero̧wiwi
Iakwe ej bun̄tōn ne jinoin tata eļam waan n̄an ad jipan̄ juon armej bwe ren ajno̧ ioon pija ko renana. Iaļ in kōmour eo ej iien otemjej jej uwaan āinwōt kajjojo armej, bōtaab ewōr jet bun̄ōn ko im̧aan tata me jabdewōt eo ej en̄taan ej aikuj in būki. Kōketak er n̄an kweilo̧k ippān bisop eo aer; enaaj wōr ippāņ kein jipan̄ ko im kein jerbal ko n̄an jipan̄. N̄e ekkar, jipan̄ er kile men ko rej kōm̧m̧an bwe ren alooje pija ko renana im kōm̧m̧an juon karōk bwe ren julo̧k. Kōketak er n̄an pukōt juon eo etijem̧ļo̧k ak kobaļo̧k ippān juon kumi in jipan̄. Im wōnm̧aanļo̧k wōt n̄an iakwe im rejtake er ilo kajjojo bun̄tōn ko.
Kraist eaar kwaļo̧k iakwe n̄an kōrā eo im ekar kōm̧m̧an bwe liin en jeļā Ekar jab kōņaan bwe en wōnm̧aanļo̧k wōt ilo jerawiwi ko an. Lukkuun iakwe eo em̧ool ejjab meļeļe in jej kowaan bōd ko an ro jet; ijello̧kin, ej kōm̧man bwe jen lo kōjatdikdik eo aer im ej kōketak kōj n̄an jipan̄ er bun̄ m̧aanļo̧k.
Juon laļ in Tōmak
Em̧ōj aō kadede iakwe eo m̧ōtta, ak ekar ļapļo̧k aō iakwe e ālkin an kar jiron̄ eō menin ittūņo eo an. Jekdo̧o̧n ta eo kwe ak juon eo kwoj iakwe eaar kōm̧m̧ane, “Ejjab pidodo n̄an kwe n̄an rūm̧ļo̧k jān meram indeeo an Pinmuur eo an Kraist maron̄ tōpare.”2
Eļan̄n̄e kwojeļā kōn juon eo me ej en̄taan kōn alooje pija ko renana, jab ebweer jān er! Pukōtļo̧k er kōn iakwe im meanwōd ejja āinwōt an Rilo̧mo̧o̧r naaj kar. Ejjamin naaj aolep iien pidodo; kaen̄taanan kein rejjab jako kiiō wōt. Kwon kijenmej ippān juon eo ejitōn bōro im ippam̧ make. Ekkatak n̄an iakwe im meļeļe kōn juon eo ej dibuk juon men eo ekanooj in pen ejjab aolep iien em̧m̧an ak pidodo. Ak ij lōke bwe aolep iakwe me jej leļo̧k ejjamin naaj men pata, jekdo̧o̧n ta aitokan ak tōprak eo an iaļ eo an juon eo ejitōn bōro ippād.