Milton Camargo
Rikakpilōklōk eo Kein Kajuon ilo Būreejtōnji eo Euteij an Jabōt Jikuuļ
Eaar bōk enan̄in juon iiō bwe Helio da Rocha Camargo, juon kar rūkaki in bar juon kabun̄, n̄an kālet n̄an peptaij ilo Kabun̄ eo An Jisōs Kraist im Armej ro Rekwojarjar ilo Raan ko Eliktata. Jidik iien tokālik, lio pāleen, Nair Belmira da Rocha Camargo, ekar kāālet n̄an ļoor waanjon̄ak eo an ļeo pāleen im bar peptaij.
Ilo iien eo, Nair eaar bōro̧ro kōn ļaddik eo nejier, eo me raar ņaetan Milton. Kobain kāālet eo an Camargo ro n̄an kobatok ilo Kabun̄ in enaaj kar indeeo kōjeraam̧m̧an diktak in epepen ko ilju jekļaj an baam̧le eo aer.
Brother Milton da Rocha Camargo eaar ļotak ilo M̧aaj 10, 1958, ilo São Paulo, Brazil. Brother Camargo, kar rie ilo Eprōļ 6, 2019, āinwōt Rikakpilōklōk eo Kein Kajuon ilo Būreejtōnji eo Eutiej an Jabōt Jikuuļ, eaar ba ej jeraam̧m̧an kōn an kar rūttoļo̧k āinwōt juon eo uwaan Kabun̄ in.
“Irooj ejeļā kōj kajjojo,” eaar ba. “Karōk ko an n̄an kōj kajjojo reļļap jān ad maron̄ antoone.”
Brother Camargo eaar ioon kōrā eo pāleen, Patricia, ke jemān eaar eddoin Brazil Rio de Janeiro Mijen eo ilo 1970 jim̧a ko. Ripālele rein kar m̧are ilo Jānwōde 4, 1980 eo, emaron̄ juon iiō ālkin an Brother Camargo ro̧o̧lļo̧k n̄an kapijuknen eo jān kar jerbal in mijenede ilo Portugal Lisbon Mijen. Ewōr jilu nejier ajri.
Ilo jinoin m̧are eo aerro, Camargo ro raar jokwe ilo Rio de Janeiro, ijo Brother Camargo eaar kam̧ōj bachelor degree eo an ilo civil engineering jān Instituto Militar e Engenharia eo. Tokālik eaar bōk juon master degree kōn business administration jān Brigham Young University.
Ilo aolepān jerbal eo an, Brother Camargo eaar wujlepļo̧k an iien im kajoor n̄an katakin ro jet. Eaar jerbal n̄an jet university ko, ekoba Laureate Brazil Online Education, Universidad Tecnológica de México, im kiiō epaak BYU-Pathway Worldwide āinwōt vice būreejtōn an laajrak in kein katakin.
Brother Camargo eaar jerbal āinwōt juon Eria Jiljilimjuonn̄oul, būreejtōn an Brazil Porto Alegre South Mijen (1997–2000), rikakpilōklōk ilo būreejtōnji eo an Brazil Missionary Training Center eo (2002–5), bisop, stake mijen būreejtōn, im būreejtōn n̄an doulul eo an elder ro.