Elder Alan R. Walker
Ritōl Eutiej Jiljilimjuonn̄oul an Kabun̄ in
Ekkatak kōn im delo̧n̄e emake ilo m̧anit ko rekāāl ekar erom juon itok limo ilo aolepān mour eo an Elder Alan R. Walker, eo enaaj em̧m̧an an jipan̄ e ilo kūr eo an āinwōt juon Ritōl Eutiej Jiljilimjuonn̄oul an Kabun̄ in.
Ļotak ilo Buenos Aires, Argentina, n̄an Victor Adrian Walker im Cristina Ofelia Sparrow Walker ilo Janwōde 2, 1971 eo, Alan Roy Walker ekar rūttoļo̧k ilo m̧ōttan ko roktak in Ituiōn̄ im Iturōk in Amedka.
Eaar joļo̧k iiō ko im̧aan tata an ilo Argentina m̧okta jān an baam̧le eo an kar em̧m̧akūtļo̧k n̄an Boston, Massachutessts, USA, im tokālik n̄an Mexico City, Mexico, kōnke kōn jerbal eo an jemān.
“Ekkatak Kajin Pālle ej juon kōjeraam̧m̧an eļap,” ej ba. Im rūttoļo̧k ilo gospel eo ej kōtļo̧k an ejake naan in kam̧ool eo an im m̧aanjabpopo ilo iiō ko im̧aan n̄an mijen eo an. Ālkin an kar etal n̄an Brigham Young University eo ium̧win juon iiō, Elder Walker ekar jerbal āinwōt juon mijenede ej jerbal aolep raan ilo Tennessee Nashville Mijen eo.
N̄an jipan̄ jemān mour jān juon jorrāān in juon jiriļo̧k eļap, Elder Walker ekar karm̧wijļo̧k karōk ko an n̄an bar ro̧o̧l n̄an jikuul ālkin mijen eo an im bar ro̧o̧l n̄an Argentina. Ekar iien eo eaar ioon Ines Marcela Sulé ilo juon iien eeb an institute. Ruwalitōk allōn̄ ko tokālik, ilo O̧kwōj 12, 1993 eo, rekar m̧are ilo Buenos Aires Argentina Tampeļ eo. Raan eo tok juon, ripālele in edik ekar em̧m̧ūtļo̧k n̄an Provo, Utah, USA, ijo Elder Walker ekar kadedeikļo̧k bachelor degree eo an ilo economic ilo 1996 eo.
Elder Walker ekar jerbal ium̧win jilu iiō ko āinwōt corporate banker ippān Citibank, jiljino iiō ko āinwōt juon controller n̄an Kabun̄ in ilo South America South Eria eo, 11 iiō ko ilo Mexico Eria eo, im kiiō epaak āinwōt juon tōreektōr n̄an temporal affairs n̄an South America South Eria eo. Ilo 2010 eo, Elder Walker kar kūri n̄an tōl Mexico Monterrey East Mijen eo.
Walker ro, ippānļo̧k leddik eo nejier, rej lem̧ōņōņō jerbal n̄an doon, ito itak, im n̄an jeļā kōn jikin ko rekāāl im armej ro.
M̧okta jān kar kūr āinwōt juon Ritōl Eutiej Jiljilimjuonn̄oul an Kabun̄ in, Elder Walker eaar jerbal ilo elōn̄ eddo ko in Kabun̄ in, ekoba Eria Jiljilimjuonn̄oul, rikakpilōklōk ilo juon stake būreejtōnji, high ko̧o̧njeļ, bisop, rikakpilōklōk ilo bisoprik, im ritōl mijen an ward.