Elder Benjamin M. Z. Tai
Ritōl Eutiej Jiljilimjuonn̄oul an Kabun̄ in
Jim̧aan Elder Benjamin M. Z. Tai ilo jait eo an jemān eaar po, kalbuuj, im kar kameje jān jarin tariņae ko kar an Rijepan kar jodiki Hong Kong ilo Pata eo an Laļ in II.
Iiō ko tokālik, Elder Tai eaar ioon lio nej kar pāleen jekļaj, Naomi Toma, jān Japan, ke eaar juon būreejtōn n̄an doulul eo an elder ro ilo ward eo an rijikuuļ ilo Brigham Young University. Naomi eaar jerbal āinwōt būreejtōn eo an Doulul eo an Kōrā ro.
Ke Benjamin eaar ba n̄an jemān, emeritus Ritōl Eutiej an Kabun̄ in Elder Kwok Yuen Tai, ke ekar m̧ōttāik im kōjatdikdik n̄an m̧areik Naomi, jemān eaar jab kwaļo̧k elo̧taan. Ilo m̧ool, jinen im jemān Naomi, Rikuo im Fumiko Toma, raar itok n̄an Hong Kong im loļo̧k jinen im jemān Benjamin. Jinen im jemān liin raar kile bwe gospel eo an Jisōs Kraist eaar kōm̧m̧an bwe m̧are eo aer en maron̄ pidodo. Ripālele in kar m̧are ilo Salt Lake Tampeļ eo ilo Tijem̧ba 23, 1995 eo. Rej jinen im jemān jiljino ajri ro.
“Kōmij itok jān m̧anit ko reoktak, bōtaab ewōr pedped ko reier wōt juon an tōmak im kaarmejete,” Elder Tai ej ba. Elder Tai ejeļā bwe pedped ko an tōmak im kaarmejete renaaj kiiō ekkejel ippān Armej ro Rekwojarjar ilo Raan-ko Āliktata aolepān laļ in.
Benjamin Ming Zhe Tai eaar ļotak ilo Māe 20, 1972 eo, ilo Hong Kong n̄an Kwok Yuen im Hui Hua Tai. Jerbal eo an jemān eaar bōk baam̧le eo ipeļaakin laļ in m̧okta jān aer kar em̧m̧akūtļo̧k n̄an Southern California, USA, ijo Tai eaar joļo̧k iiō in jodikdik ko an ie. Ilo m̧weo im̧weer, ro jinen im jemān raar kwaļo̧k juon peba lemlem kōn naan kein kar jeje ilo naan in China kein: “A kōn n̄a im ro nukū, kōm naaj jerbal n̄an Jeova” (Joshua 24:15). Menin eaar jerbal āinwōt m̧ato eo an Tai baam̧le eo.
Ālkin an kar mijen ilo Australia Melbourn Mijen eo, Elder Tai eaar bōk juon bachelor degree ilo exercise science jān BYU ilo 1996 eo im juon master degree ilo business administration jān University of California, Los Angeles (UCLA), ilo 2003 eo. Eaar jerbal ilo Japan im Hong Kong ilo investment banking im real estate development.
Elder Tai eaar jerbal āinwōt juon Eria Jiljilimjounn̄oul, district būreejtōn, rikakpilōklōk ilo juon district būreejtōnji, rijeje eo euteej an district, būreejtōn an doulul eo an elder ro, branch būreejtōn, im rūkaki in Jabōt Jikuuļ.