Elder Jorge M. Alvarado
Ritōl Eutiej Jiljilimjuonn̄oul an Kabun̄ in
Miguel im Iris Alvarado kar kobatok ilo Kabun̄ in ilo Puerto Rico ilo 1977 eo ke ļaddik eo nejier Jorge eaar jiljino iiō dettan. Jorge eo dik ekar peptaij ruo iiō tokālik im ejjan̄in kar jako jān iien jar ko ilo Jabōt.
“Ak oktak eo aō make ekar waļo̧k ke iaar 16,” Ritōl Eutiej Jiljilimjuonn̄oul eo kar kūr ekāāl ej ba.
Ilo high school, ekar jino jerbal āinwōt būreejtōn ilo jemenere kūlaaj eo an ilo bukwōn eo an ilo Ponce. Rijikuuļ ro rekar ekkatak Bok in Mormon ilo kar iiō jab eo. Eddo eo an ekāāl ekar kōļapļo̧k an etale mour in jetōb eo an.
“Ikar aikuj in kajjitikin eō make, ‘Ij ke lukkuun jeļā ke Bok in Mormon eo ej m̧ool?’ Ekōjkan aō maron̄ juon būreejtōn an kūlaaj in jemenere eo aō eļan̄n̄e ilo m̧ool ijjab jeļā eļan̄n̄e bok in ekar m̧ool?”
Ekar jibwetok kape in Bok in Mormon eo an im ej kab juon kōttan ikar jino lukkuun m̧ool in riiti.
“Ikar bukwelōlō im ikar jar, innām ikar jeļā bwe ekar em̧ool,” ej ba.
Bok in Momron ekab de kareel eo aorōk tata ilo mour eo an Elder Alvarado.
Ke ej jerbal āinwōt juon mijenede eo ej jerbal aolep raan ilo Florida Tampa Mijen, ekar kwaļo̧k Bok in Mormon eo ippān aolep ro ekar katakin er. Tokālik, ekar ekkatak kōn bok in ippān lio pāleen im ajri ro jilu nejier. Āinwōt juon būreejtōn ilo Puerto Rico San Juan Mijen eo, ekar idajon̄jon̄e mijenede ro an n̄an iakwe im kwaļo̧k kōn Bok in Mormon eo.
Kiiō, āinwōt juon Ritōl Eutiej Jiljilimjuonn̄oul an Kabun̄ in, Elder Alvarado ej ikdeleel wōt n̄an karuwaineneik ro jet n̄an kappukōt m̧ool ko rej ukōt-mour an Bok in Mormon.
Jorge Miguel Alvarado Pazo ekar ļotak ilo Nobōmba 21, 1970 eo. Ilo Tijem̧ba 19, 1992 eo, ekar m̧areiki Cari Lu Rios ilo Washington D.C. Tampeļ.
Ālkin an ekkatak kōn pejnej management ilo University of Puerto Rico, ekar jerbal ilo elōn̄ kain jerbal in pejnej management ko ilo Puerto Rico im ilo ioon ane in United States. Eo ekāāl tata, ekar jerbal ilo opiij ko reļļap an Kabun̄ in ilo Salt Lake City āinwōt juon international mānija n̄an Self-Reliance Services eo.
Elder Alvarado ekar jerbal āinwōt Eria Jiljilimjuonn̄oul, Stake būreejtōn, high ko̧o̧njeļ, branch būreejtōn, im ward ritōl mijen.