Elder Ricardo P. Giménez
Ritōl Eutiej Jiljilimjuonn̄oul an Kabun̄ in
Ro uwaan Kabun̄ in ilo Antofagasta, Chile, naaj indeeo keememej Eprōļ 2019 kweilok eo eļap kōn kōjjeļļā eo kōn juon tampeļ jakļaj ijōņ im kūr eo an juon iaan ro uwaer, Elder Ricardo P. Giménez, āinwōt juon Ritōl Eutiej Jiljilimjuonn̄oul.
Ke ej kōļm̧eņļo̧kjen kōn eddo ko an kūr kāāl eo an, Elder Giménez ej loe bwe tōmak im peran rej pād ilo jabōn kōnnaan eo “Eo Irooj ej kūr, Irooj ej kōkarbōbe” (Thomas S. Monson, “Duty Calls,” Ensign, Māe 1996, 44).
“Iaar katakin menin im ba elōn̄ alen m̧oktaļo̧k, im kiiō ij kajjieon̄ kōjerbale n̄an n̄a make,” ej ba. “Jemedwōj Ilan̄ ej kūr eok. Ejeļā wōn kwe. Kōn menin kwon ba etal wōt im kōm̧m̧ane ta eo E ekōņaan, im aolep men renaaj em̧m̧an.”
Ricardo Patricio Giménez Salazar eaar ļotak ilo Nobōm̧ba 28, 1971 eo, eo erūtto iaan ajri ro ruo kar ļotak n̄an Ricardo Benjamín Giménez Gimeno im Myrto Lucisca Amalia Salazar Signorini. Eaar kobatok ilo Kabun̄ in ke eaar 11 iiō dettan im em̧m̧akūtļo̧k ippān jinen im leddik eo jatin n̄an Santiago, Chile, ālkin an jinen im jemān kar jepel.
Ilo 1995 eo, eaar ioon Catherine Ivonne Carrazana Zúñiga ilo Santiago ke liin ej jino etal n̄an ward eo an ke eaar jokwe ijōņ ippān ļeo riko̧rāān. Raar liāp ilo Santiago Chile Tampeļ eo ilo Jeptōm̧ba 12, 1997 eo, im rej jinen im jemān ruo ajri ro.
Elder Giménez eaar bōk undergradutate degree eo an ilo accounting im audition ilo University of Santiago ilo 1997 eo, im juon master degree in business administration ilo University of Chile ilo 2003 eo. Eaar jino jerbal eo an ilo mining industry, āliktata em̧m̧akūtļo̧k n̄an information technology āinwōt juon tōreektōr in finace n̄an Computer Sciences Corporation ilo Latin America. Eaar bar ro̧o̧l n̄an mining ilo 2012 eo, m̧oktata ippān Sierra Gorda Mining eo innām ippān Robinson Nevada Mining Company eo.
Ilo iien kūr eo an, Elder Giménez eaar jerbal āinwōt juon rikakpilōklōk ilo stake būreejtōnji. Eaar jerbal āinwōt Eria Jiljilimjuonn̄oul ilo South America South Area, stake būreejtōn, high ko̧o̧njeļ, bisop, rikakpilōlōk ilo bisoprik im būreejtōnji eo an Likao ro ilo ward, im kar juon mijenede ilo Chile Concepción Mijen eo.