Elder Peter M. Johnson
Ritōl Eutiej Jiljilimjuonn̄oul an Kabun̄ in
Ālkin an Peter M. Johnson, nejin juon rilale em̧ im rukattōr tākji, kar bōke juon scholarship in ikkure basketball ilo Brigham Young University—Hawaii, eaar loe e make an jutak im̧aan juon rūkaki in institute.
“Kwonaaj [kāālet] n̄an kobatok ilo Kabun̄ in ilo iien eo em̧ōkaj tata, ak enaaj bōk jidik iien n̄an kwe,” rūkake eo eaar kajjimelele.
Rūkaki eo eaar jim̧we. Aitokļo̧k jān juon iiō tokālik, Peter “ekar jitlo̧k im jar im bōk juon uwaak.” Eaar peptaij ilo O̧kwōj 16, 1986 eo.
Peter Matthew Johnson, kein kemān in ajri ro ļalem, kar ļotak n̄an McKinley Johnson im Geneva Paris Long ilo Nobōm̧ba 29, 1966 eo, ilo Queens, New York, USA.
Jinen im jemān raar jepel ke eaar 11 iiō dettan, im jinen eaar em̧m̧akūtļo̧k n̄an Hawaii. Juon iiō tokālik, Peter eaar kobaļo̧k ippān Nation of Islam im kar erom juon Muslim. Iiaio in eaar leļo̧k tōl im rejtak im kōpooj e n̄an kautiej gospel eo an Jisōs Kraist.
Ke eaar 15 iiō dettan, Peter eaar em̧m̧akūtļo̧k n̄an Hawaii n̄an jokwe ippān jinen. Ijo, eaar lo ikkure ko—eļaptata basketball—im kar jino jerbal m̧aanļo̧k n̄an university jeļāļo̧kjeņ, an juon uwaan Kabun̄ eo An Jisōs Kraist im Armej ro Rekwojarjar ilo Raan-ko Āliktata, jerbal in mijenede ilo Alabama Birmingham Mijen eo, im m̧are ilo tampeļ ippān Stephanie Lyn Chadwick ilo 1990 eo. Ripālele in, ro kar ioon doon ke rej ikkure basketball ilo Southern Utah University eo, ewōr emān nejier ajri ro.
“Ij pād ijin n̄an jerbal n̄an Irooj,” Elder Johnson eaar ba kōn kūr in an n̄an Jilimjounn̄oul eo. “Jekdo̧o̧n ta laļ ak m̧anit eo ak ia eo ij itok jāne, ijjitōn̄ eo aō ej n̄an jerbal n̄an Irooj kōn aolepān būruwō, ļōmņak, im kajoor im n̄an jutak ilo etan Irooj n̄an armej ro An. Rilo̧mo̧o̧r eo ej iakwe kōjwōj aolep. Kōj jej ļaddik im leddik ro nejin Anij.”
Elder Johnson eaar bōk bachelor im master degree ko ilo accounting jān Southern Utah University im juon PhD ilo accounting jān Arizona State University. Eaar jerbal āinwōt juon aossociate professor ilo BYU–Hawaii, assistant professor ilo Brigham Young University eo, im associate professor ilo University of Alabama. Eaar jerbal āinwōt juon Eria Jilimjounn̄oul, stake būreejtōn, stake financial clerk, im ritōl mijen an ward.