Elder L. Todd Budge
Ritōl Eutiej Jiljilimjuonn̄oul an Kabun̄ in
Ke Todd Budge ekar juon ļaddik jidikdik, ro jinen im jemān rekar katakin e wāween kappukōt ankilaan Irooj. Ilo aolepān mour eo an, ekar kajjieon̄ n̄an kōjerbal iminenen jab eo ilo aolep jokāālet.
Iiō ko tokālik, ālkin an im kōrā eo pāleen kar koņ ilo juon em̧ kōn ļalem ajri ro, ekar en̄jake im̧we ko ilo jetōb bwe en em̧m̧akūt jān jerbal eo an ikkijeen banking im finance. Oktak eo enaaj kar aikuj juon kaarmejet eļap n̄an e erom dim ilo juon jerbal kāāl.
Ālkin eļap kijejeto im kōppopo n̄an ukōt jerbal ko an, Elder Budge ekar ioon juon eo etijem̧ļo̧k āinjuon n̄an leļo̧k n̄an kapilōk. Armej in ekar leļo̧k ļōmņak in bwe Elder Budge en pād wōt ilo jerbal in an ikkijeen banking, kakeememej e bwe enaaj lōn̄ an iien ko rem̧m̧an n̄an kapilōk im jipan̄ armej. “Jej aikuji armej ro rem̧ool ilo pejnej,” armej in ekar ba n̄an e.
Elder Budge ekar ļōmņak kake iien in āinwōt juon tūriam̧o̧ ejouj jān Irooj. “Ij ļōmņak Ekar kōņaan bwe in jeļā epād ia būruwō,” ej ba. “Ke Irooj eaar jeļā būruwō, Ekar jab aikuji kaarmejete eo, im iaar lōke bwe Emaron̄ in kar kōjerbal eō n̄an un ko An ilo jab ukōt jerbal eo.”
Jerbal eo an ekar kōtļo̧k bwe en juon im̧we n̄an em̧m̧an eo ilo laļ in pejnej, em̧ool n̄an kōpeļļo̧k kōjām ko n̄an kwaļo̧k gospel eo ilo Japan.
Lawrence Todd Budge ekar ļotak ilo Tijem̧ba 29, 1959 eo, ilo Pittsburg, California, USA, n̄an Lowell Jensen im Deanna Price Budge Ekar ioon Lori Capener ke raar pād ilo iiō in freshment eo aer ilo Brigham Young University. Ruwalitōk allōn̄ ko ālkin an kar ro̧o̧l jān jerbal ilo Japan Fukuoka Mijen eo, raar m̧are ilo Logan Utah Tampeļ eo. Ewōr jiljino nejier ajri ro.
Ālkin kadiwōjļo̧k jān BYU ilo 1984 eo kōn juon bachelor’s degree ilo economics, Elder Budge ekar jerbal n̄an Bain & Company Japan; Citibank, N.A.; im GE Capital. Eaar erom būreejtōn im chief executive opija an Tokoyo Star Bank Limited ilo 2003 eo, jerbal āinwōt chairman eo an board eo an bank eo jān 2009 n̄an 2011 eo.
Elder Budge ekar jerbal āinwōt juon Eria Jiljilimjuonn̄oul, būreejtōn an Japan Tokyo Mijen eo, stake būreejtōn, bisop, būreejtōn n̄an doulul eo an elder ro, im būreejtōn an Doulul eo an Likao ro ilo stake.