Toʻu Tupu
Fēfē kapau ne u mavahe? ʻI heʻeku fuofua hiki mai ki hení, ne toko ua pē ʻa e ongo finemui ʻi hoku koló. Ne mau kaungāmeʻa peá u ʻiloʻi lelei kinautolu. Ka naʻe ʻikai ke na toe maʻulotu.
Ne u fetaulaki mo e palesiteni fakamisioná ʻi haʻaku ʻalu ki he temipalé. Ne u talanoa ange kau ki hoku ongo kaungāmeʻá mo fehuʻi ange pe ko e hā te u lava ʻo fai ke tokoniʻi kinaua ke na toe foki ki he Siasí. Naʻá ne talamai ke u tuʻu mālohi ʻi he meʻa ne u tui ki aí, pea lotua kinaua.
Hili pē iá, ne u sio ki ha taha ʻo e ongo tamaiki fefiné ni, pea naʻá ku fiefia ʻaupito ke sio ki ai. ʻI heʻeku foki ki ʻapi he pō ko iá, naʻá ku lotu peá u ongoʻi mālohi naʻe fie maʻu ke u tuʻu maʻu he moʻoni ne u ʻi aí pea ʻalu maʻu pē ki he lotú, ʻalu maʻu pē ki he seminelí, pea hokohoko atu ʻeku tā-sīpinga ki hoku ngaahi kaungāmeʻá. Fēfē nai kapau ne u mavahe pea ʻikai toe foki mai kae foki mai ha taha ia hoku ongo kaungāmeʻá ki he siasí? Ko hai ʻe hoko ko hona kaungāmeʻa mo tokoni ke nau toe foki maí?
ʻOku faingofua ange taimi ʻoku tau fai fakataha ai ha meʻa.
ʻAliona, Kharkiv Oblast, Ukraine