Mālō e lelei mei Filipaini!
Ko Paolo au. Pea ko Mako au. ʻI he taʻú ni ʻoku mau fononga holo he funga māmaní ke ako fekauʻaki mo e fānau ʻo e ʻOtuá. Kau mai mo kimautolu ke tau ʻaʻahi ki Filipaini!
ʻOku fakafuofua ki he kakai ʻe teau miliona ʻoku nofo ʻi Filipainí, fakataha mo ha fanga monumanu mālie ke tau ʻilo!
ʻOku ʻi ai ha ngaahi tefitoʻi lea ʻe valu ʻi Filipaini. ʻOku paaki e Tohi ʻa Molomona ko ʻení ʻi he lea faka-Sepuanó.
ʻOku anga fēfē hoʻo ʻalu ki he lotú? ʻOku fefonongaʻaki holo e ngaahi fāmili Filipino ʻe niʻihi ʻi he sipinī!
Ko ha mama FKT ʻeni ʻi he lea Filipino ko e faka-Takaloká. Ko e founga ʻeni ke pehē “fili ki he totonú”: piliin ang tama.
Ko e ngaahi temipale ʻeni ʻi Sepū Siti mo Manilá. Mateʻi mai ha meʻa? ʻOku lolotonga langa ha temipale hono ua ʻi Manila! Pea ʻe langa foki e ngaahi temipale ʻi ha kolo kehe ʻe ua, ko ʻUataneta mo Kakaiani te Olo.
ʻOku vaʻinga e fānau Filipinó ʻi ha kiʻi keimi ʻoku ui ko e luksong tinik, pe ko e “puna fakalaká.” ʻOku tangutu ha toko taha pe toko ua ʻi he falikí pea fehiliʻaki hona vaʻé mo e nimá. ʻOku feinga leva e tamaiki kehé ke nau puna fakalaka ai kae ʻoua ʻe pā ki ai.
Ko e niʻihi ʻeni hotau ngaahi kaungāmeʻa mei Filipainí!
“ʻOku ou hanganaki maʻu pē ki heʻemau lau folofola fakafāmili efiafí. ʻOku ou ongoʻi lelei he taimi kotoa pē ʻoku ou lau ai e folofolá.”Lanea D., taʻu 10, Central Luzon, Philippines
“ʻI heʻeku fuofua ako ke laukongá, naʻá ku lotomamahi koeʻuhí naʻe ʻikai vave ʻeku laú. Naʻe tokoniʻi au ʻe heʻeku ongomātuʻá mo hoku tuofefiné pea ʻoku ou fiefia he taimí ni ke lau e folofolá.”ʻAkumeni D., taʻu 7, Central Luzon, Philippines
Ko hoʻo haʻú mei Filipaini? Tohi mai! Te mau fiefia ke fanongo meiate koe!
Fakamālō atu hoʻomou vakaiʻi ʻa Filipaini mo kimautolú! Tau toki sio!