Hoko ko ha Maama!
ʻHiki hake hoʻomou māmá ke ulo atu ki he māmaní. Vakai ko au ʻa e maama ke mou hiki haké” (3 Nīfai 18:24).
Te tau lava ʻo hoko ko e maama ʻaki haʻatau hoko ko ha kaumeʻa moʻoni. Lau e ngaahi fakakaukau ʻi laló pea tānaki mai haʻo ngaahi fakakaukau ʻaʻau. Ko e taimi kotoa pē te ke hiki ai ha hingoa ʻo ha taha ʻokú ke fie fakahaaʻi ki ai ha ʻofa, valivali ke lahi ange ʻa e foʻi laʻaá.
-
‘Ofa he niʻihi kehé: te ke lava ʻo fai ha tokoni lahi ʻi heʻenau moʻuí! ʻOku ʻofa ʻa Kalaisi kiate kinautolu, ko ia feinga ke fakahaaʻi ange ʻa e ʻofa ko iá.
Ko hai: __________________________
-
Fakamolemole‘í: Kapau ʻoku fakamamahiʻi koe ʻe ha taha, feinga ke mahino kia koe ʻenau fakakaukaú. Te ke lava ʻo tokoni ke molū honau lotó kapau te ke fakamolemoleʻi.
Ko hai: __________________________
-
Fakalotolahiʻi: Fakahīkihikiʻi ho ngaahi kaungāme‘á ʻi honau mālohingá. Sio pē ki he lelei taha ʻiate kinautolú neongo ka fie maʻu ke fakaleleiʻi kinautolu. ʻOku tokoni kiate kinautolu hoʻo fai ho lelei tahá!
Ko hai: __________________________
-
Fakafanongo ki he Laumālie Mā‘oniʻoní: ʻE lava ʻe hoʻo leá ʻo liliu ha tūkunga kovi ke lelei. ‘E lava ke tokoni atu e Laumālie Māʻoni‘oní ke ke ʻilo e meʻa ke ke leaʻakí mo e founga ke fakahaaʻi ai e angaʻofá.
Ko hai: __________________________
-
ʻOua naʻá ke teitei lauʻikovi: ʻE lava e ngaahi lea taʻeʻofá ke ne uesia. Fakakaukau lelei pē ki he niʻihi kehé, pea tukunoaʻi ʻa e ngaahi fakakaukau ʻoku koví.
Ko hai: __________________________
-
Poupouʻi ho ngaahi kaungāmeʻá: ʻE lava haʻo ʻalu ki ha sipoti pe tulama fakaako ho kaungāmeʻá ʻo tokoni ke nau ongoʻi hoʻo ʻofá.
Ko hai: __________________________
-
Fakaafe‘i ha ni‘ihi kehe ke nau ako ki he ongoongoleleí: Neongo kapau he ʻikai ke nau tali hoʻo leá, ka kuó ke ʻosi fakahaaʻi ʻokú ke tokanga feʻunga ke vahevahe ange.
Ko hai: __________________________
-
Fakakaungāmeʻa ki ha kakai kehekehe: ʻOku maʻu ʻe he niʻihi kehé ha ngaahi meʻa lahi ke vahevahe. Naʻe tokoni mo ʻofa ʻa Kalaisi ki he kakai kotoa pē ʻo tatau ai pē pe ko e hā.
Ko hai: __________________________