យោបល់នានាសម្រាប់រាត្រីជួបជុំក្រុមគ្រួសារ
ច្បាប់នេះមាននូវអត្ថបទ និង សកម្មភាពនានាដែលអាចយកទៅប្រើប្រាស់សម្រាប់រាត្រីជួបជុំក្រុមគ្រួសារ ។ ខាងក្រោមនេះគឺជាឧទាហរណ៍ពីរ ។
« ការរៀបចំកន្លែងមួយសម្រាប់ព្រះអម្ចាស់ » ទំព័រ ១០ ៖ ប៊ីស្សព ហ្គែរ៉ល កូសសែ រំឭកអំពីការទទួលខុសត្រូវរបស់យើងដើម្បីរៀបចំសម្រាប់ការយាងមករបស់ព្រះអង្គសង្គ្រោះ ។ របៀបមួយដើម្បីរៀបចំកន្លែងមួយសម្រាប់ព្រះអម្ចាស់ គឺជួយមនុស្សដែលត្រូវការផ្ទះរស់នៅ ។ សូមគិតពីការស្ម័គ្រចិត្តនៅមជ្ឈមណ្ឌលដែលមើលថែអ្នកដែលគ្មានផ្ទះ ប្រមូលសម្ភារផ្គត់ផ្គង់នានាជូនដល់ជនភៀសខ្លួន បង្កើនការបង់ប្រាក់ទៅក្នុងមូលនិធិជំនួយមនុស្សធម៌របស់សាសនាចក្រ ឬ ចុះប្រឡូកនឹងសកម្មភាពបម្រើនានានៅក្នុងសហគមន៍របស់អ្នក ។ អ្នកក៏អាចពិភាក្សាផងដែរអំពីរបៀបយូរអង្វែងទៅមុខទៀត ដែលអ្នកអាចបម្រើដល់អ្នកដែលគ្មានទីជម្រក ដូចជាបង្កើននូវមិត្តភាពជាដើម ។
« តើខ្ញុំអាចមានអារម្មណ៍កាន់តែខិតជិតព្រះអង្គសង្គ្រោះតាមរបៀបណា ? » ទំព័រ ៧០ ៖ ប្រាកដណាស់ព្រះយេស៊ូវគ្រីស្ទគឺជាបុព្វហេតុសម្រាប់រដូវកាលនេះ ប៉ុន្តែអ្នកអាចពិចារណាពីរបៀបនានា ដែលអ្នកអាចចងចាំពីគំរូរបស់ព្រះអង្គសង្គ្រោះពេញមួយឆ្នាំ ។ អ្នកអាចគិតពីរបៀបនានាដើម្បីបង្កើតគេហដ្ឋានមួយដែលផ្តោតលើព្រះយេស៊ូវគ្រីស្ទកាន់តែខ្លាំង ដូចជាដាក់តាំងរូបភាពរបស់ព្រះអង្គសង្គ្រោះនៅក្នុងផ្ទះរបស់អ្នក ទន្ទេញខគម្ពីរអំពីព្រះអង្គសង្គ្រោះរៀងរាល់សប្តាហ៍ ឬ យកចិត្តទុកដាក់កាន់តែខ្លាំងលើការរៀបចំខ្លួនសម្រាប់ថ្ងៃឈប់សម្រាក ។ សូមដាក់ផែនការអនុវត្តយោបល់របស់អ្នក ហើយកត់ពីរបៀបដែលការខិតខំនោះ បានជួយឲ្យអ្នកខិតកាន់តែជិតព្រះគ្រីស្ទ នៅក្នុងសៀវភៅទិនានុប្បវត្តិរបស់អ្នក ។