ʻI he Hala ki he Moʻui Fakafalala Lahi Ange pē Kiate Kitá
ʻOkú ke fakaʻau ke moʻui fakafalala lahi ange pē kiate koe ʻi he ʻaho takitaha?
Fakamaakaʻi pē koe ʻi he ngaahi fakamatala ko ʻení ke ke ʻiloʻi ho tuʻunga ʻi hoʻo fononga ki he moʻui fakafalala pē kiate kitá.
Ko e fakafuofua ko ʻení ʻoku ʻikai ko ha lisi pau ia ʻo ha fakahinohino. ʻI hoʻo ako mo ho fāmilí ʻi he faʻa lotu ʻa e tefito ko ʻení mo aleaʻi fakatahá, ʻe lava ke ueʻi kimoutolu ʻe he Laumālié ke mou ʻilo e founga ke fakalakalaka aí.
Hili hono fakakakato ʻo e kiʻi fakafuofua ʻo kitá, fakakaukau ke fokotuʻu ha ngaahi taumuʻa ʻi he ngaahi tafaʻaki ʻokú ke maaka siʻisiʻi aí.
Kī ki he Talí: 1=Hala ʻAtā, 2=Taimi ʻe Niʻihi, 3=Tuʻo Lahi, 4=Meimei Taimi Kotoa pē, 5=Maʻu ai pē
Mateuteu
1. ʻOku ʻi ai e paʻanga kuó u tuku mavahe telia ha meʻa fakatuʻupakē.
2. ʻOku ou tauhi ʻi hoku ʻapí ha nāunau ki ha meʻa fakatuʻupakē (hangē ko e sipi kafú, teʻelangó, meʻahulú).
3. ʻOku ou tauhi ʻa e ngaahi tohi mahuʻingá ʻi ha potu malu, pea ʻoku ou ʻiloʻi mo hoku fāmilí e feituʻu ke maʻu aí.
4. ʻOku ou toutou fakatau mai mo tauhi ha meʻakai mo ha vai lahi ange.
5. ʻOku ou ngāue ʻaki e meʻakai kuo ʻosi tokonakí pea fetongi ia ʻaki ha meʻakai foʻou ke ʻoua naʻa taʻeʻaonga.
Ngāue Maʻuʻanga Moʻuí
1. ʻOku ou feinga ke fakaleleiʻi ʻeku pōtoʻi ngāué mo e olá ʻi he ngaahi seminā mo e ngaahi kalasi fekauʻaki mo e ngāué.
2. Te u lava ʻo fengāueʻaki lelei mo e niʻihi kehé, pea ʻoku nau falala mai kiate au.
3. Kimuʻa heʻeku kumi ngāué, ʻoku ou kole ha fakamatala tokoni fekauʻaki mo ʻeku tohi kolé mo e taukei fakaʻinitaviú.
4. ʻOku ou faʻa lotu mo fakakaukau lelei ʻi heʻeku kumi ngāué.
5. ʻOku ou kumi ha ngaahi faingamālie ke maʻu ha fetuʻutaki foʻou mo e niʻihi ʻe iku maʻu ai ha ngāue maʻuʻanga moʻuí.
Meʻa Fakapaʻangá
1. ʻOku ou kumi ha ngaahi founga ke fakahaofi ai e paʻangá ʻaki hono holoki e ngaahi fakamole taʻeʻaongá.
2. ʻOku ou fakahū maʻu pē ha paʻanga ki ha ʻakauni fakahū pe fakatupu koloa.
3. ʻOku ou fakaʻehiʻehi mei he fakamoʻua noaʻiá.
4. ʻOku ou totongi vahehongofulu totonu mo foaki lahi ki he paʻanga ʻaukaí.
5. ʻOku ou tokangaʻi ʻeku koloá ke nau tolonga ange.
Moʻui Lelei Fakaesinó
1. ʻOku ou feinga ke fakamālohisino maʻu pē.
2. ʻOku ou kai ʻa e meʻakai fakatupu moʻui leleí mo inu e vai feʻunga he ʻaho kotoa pē.
3. ʻOku ou moʻui ʻaki e Lea ʻo e Potó mo poupouʻi e niʻihi kehé ke nau fai pehē.
4. ʻOku ou fakaʻehiʻehi mei hano maʻunimā au ʻe he ngaahi meʻa fakatuʻutāmakí.
5. ʻOku ou maʻu ha mohe feʻunga mo fakaʻehiʻehi mei he mohe fuʻu fuoloá.
Akó
1. ʻOku ou kumi ha faingamālie totonu pe ʻi ha founga pē ke ako ai.
2. ʻOku ou kumi ki ha ngaahi maʻuʻanga tokoni ʻi heʻeku feinga ke maʻu ha ako lahi angé, ʻo hangē ko e sikolasipí pe Paʻanga Tokoni Fakaako Tuʻu Maʻú.
3. ʻOku ou tali lelei ʻa e ngaahi vakai mo e fakakaukau ʻoku kehe mei haʻakú.
4. ʻOku ou kolea ʻa e Laumālié ke tokoni ke u ʻiloʻi ʻa e moʻoní mo puke ʻa e meʻa ʻoku ou akó.
5. ʻOku ou fakakau e ako fakaʻaho ʻo e ongoongoleleí ko ha konga ʻo ʻeku akó.