Ko e Fakafehoanakí
Ngaahi Fatongia Fakalangi ʻo e Tangatá
ʻOku faʻa lea ha kau lea tokolahi ʻi he kaveinga tatau pē ʻo e ongoongoleleí. Ko e lea ʻeni ha toko tolu kau ki he ngaahi fatongia fakalangi ʻo e kakai tangatá:
-
Husepāniti “Fai ki ho uaifí … e founga tatau kuo fai atu ʻe he Tamai Hēvaní kiate koé.” —Henry B. Eyring, “Ngaahi Fāmili Taʻengatá,” 83.
-
Maʻu Lakanga Fakataulaʻeiki: “Moʻui ke tuha mo [homou] ngaahi faingamālie ko e kau maʻu lakanga fakataulaʻeiki. ʻE hoko mai ha ʻaho, ko e kau tangatapē ko ia kuo nau fakamātoatoʻi honau lakanga fakataulaʻeikí, ʻaki ʻenau feinga faivelenga ke akoʻi tonu ʻe he ʻEikí, te nau lava ʻo tāpuakiʻi, fakahinohino, maluʻi, fakamālohia, pea mo fakamoʻui e niʻihi kehé.” —Russell M. Nelson, “Ko Hono Ngāueʻi e Mālohi ʻo e Lakanga Fakataulaʻeikí,” 67–68.
-
Tamai: “ʻOku fakalangi e tupuʻanga ʻo e fatongia fakaetamaí, ʻo kamata ʻaki ha Tamai ʻi Hēvani, pea ʻi he māmani fakamatelié ni, ne kamata ʻaki e Tamai ko ʻĀtamá. …
“… ʻOku fie maʻu e feilaulaú ki he fatongia fakaetamaí. …
“Ko e ongo meʻa lelei taha ʻe lava ʻe ha tamai ke fai maʻa ʻene fānaú—ko ʻene ʻofa he faʻē ʻo ʻene fānaú—mo ʻai ke ʻasi e ʻofa ko iá. ʻOkú ne fakapapauʻi mo fakamālohia e nofomalí ʻa ia ko e fakavaʻe ia ʻo ʻena moʻui mo e malu fakafāmilí.” —D. Todd Christofferson, “Ngaahi Tamai,” 94, 95.