Ngaahi Talanoa ʻo e Tohi ʻa Molomoná
ʻOku Akoʻi ʻe Samuela Fekauʻaki mo Sīsū
Mei he Hilamani 13–15, 3 Nīfai 1:13–15, 21
Ko Samuelá ko ha palōfita. Naʻá ne kaka ki he funga ʻā ʻo ha kolo ke malanga. Naʻá ne talaange ki he kakaí naʻe fie maʻu ke nau fakatomala mo tui kia Sīsū Kalaisi.
Naʻe akoʻi ʻe Samuela ʻe vavé ni hano ʻaloʻi ʻo Sīsū. ʻE hopo hake ha foʻi fetuʻu foʻou. ʻE kei maama pē ʻa e langí ʻi he poó kakato!
Naʻá ne akoʻi ko e taimi ʻe pekia ai ʻa Sīsuú, ʻe fakapoʻuli ʻi ha pō ʻe tolu. ʻE fakaʻauha ha ngaahi kolo lahi fau.
Naʻe tui ha kakai tokolahi pea nau papitaiso. Naʻe ʻikai tui ʻa e toengá pea naʻa nau ʻita. Naʻa nau tolomakaʻi ʻa Samuela mo fana-ngahauʻi ia. Ka naʻe maluʻi ia ʻe he ʻOtuá, ʻo ʻikai lavea.
Naʻe feinga ʻa e kakai naʻe ʻikai ke tuí ke nau puke pōpula ʻa Samuela. Ka naʻe hola ʻa Samuela.
ʻOsi mei ai ha taʻu ʻe nima, naʻe ʻaloʻi ʻa Sīsū. Naʻe hopo hake ha fetuʻu foʻou ʻi he langí. Naʻe tatau tofu pē ia mo e meʻa naʻe akoʻi ʻe Samuelá!