ព្យាការី និង ពួកសាវកថ្លែងនាសម័យនេះ
ការគាំទ្រសេរីភាពខាងសាសនា
សូមចូលទៅកាន់គេហទំព័រ news.lds.org សម្រាប់ព័ត៌មាន និងព្រឹត្តិការណ៍នានាបន្ថែមទៀតរបស់សាសនាចក្រ ។
មនុស្សនៅក្នុងប្រជាជាតិទាំងអស់គប្បី ធ្វើការរួមគ្នាដើម្បីជំរុញឲ្យមានសេរីភាពខាងសាសនា ថ្នាក់ដឹកនាំសាសនាចក្របានថ្លែងពីចំណុចនេះជាញឹកញាប់ ។
នៅក្នុងការប្រជុំសន្និបាតសាសនារបស់លោក ចន អេ វីដស្តូ នៅសាកលវិទ្យាល័យ កាលីហ្វូញ៉ាភាគខាងត្បូងនៅក្នុងទីក្រុង ឡូស អាន់ជើរឡេស ទីក្រុង កាលីហ្វូញ៉ា ស.រ.អា. នៅក្នុងខែ មេសា ឆ្នាំ ២០១៥ ប្រធាន ឌៀថើរ អេស្វ អុជដូហ្វ ទីប្រឹក្សាទីពីរនៅក្នុងគណៈប្រធានទីមួយ បានមានប្រសាសន៍ថា « សមាជិកសាសនាចក្រព្យាយាមបង្កើតចិត្តប្រកបដោយក្តីសប្បុរសនៅក្នុងចំណោមប្រជាជននៃគ្រប់ជំនឿសាសនា ទស្សននយោបាយ និង គ្រប់ពូជសាសន៍ទាំងអស់ » ។
ប្រធាន អុជដូហ្វបានមានប្រសាសន៍ថា « កិច្ចខិតខំដើម្បីលុបបំបាត់ទម្លាប់នៃការមិនទុកចិត្ត និង ភាពកំណាញ់ស្វិត ព្រមទាំងការយល់ពីគ្នាតាមរបៀបថ្មី — គឺការយល់ពីគ្នាថាមិនមែនជាជនចម្លែក ឬ សត្រូវឡើយ ប៉ុន្តែជាការយល់ពីគ្នាថាជាអ្នកធ្វើដំណើររួមគ្នា ជាបងប្អូនប្រុសស្រីនឹងគ្នា និង ជាកូនចៅរបស់ព្រះ — គឺជារឿងលំបាកបំផុតមួយ ស្របពេលជាមួយនឹងការមានបទពិសោធន៍នៃការពេញចិត្ត និង លើកស្ទួយនៃជីវិតរបស់មនុស្ស » ។ ការស្នើសុំមួយរបស់ទ្រង់ចំពោះការគោរព និង យល់ដឹងពីការណ៍នេះនោះគឺធ្វើឡើងដោយព្យាការី និង សាវកនាពេលថ្មីៗនេះ ។
នៅសន្និសីទ តុលាការ/បព្វជិត នៅឯក្រុមជំនុំ ប៊ី ណាយ អ៊ីស្រាអែល នៅក្នុងទីក្រុង សាក្រាម៉ង់តូ រដ្ឋ កាលីហ្វូញ៉ា ស.រ.អា. នៅក្នុងខែ តុលា ឆ្នាំ ២០១៥ អែលឌើរ ដាល្លិន អេក អូក ក្នុងកូរ៉ុមនៃពួកសាវកដប់ពីរនាក់ បានមានប្រសាសន៍ថា « ពុំគួរគប្បីមានសង្គ្រាមរវាងសាសនា និង រដ្ឋាភិបាលឡើយ » ។ លោកបានមានប្រសាសន៍ថា « យើងទាំងអស់គ្នានឹងចាញ់ នៅពេលមានអារម្មណ៍នៃកំហឹង ឬ ភាពជាសត្រូវ ឬ ជម្លោះកើតមានឡើង ។
លោកបានមានប្រសាសន៍ថា « រដ្ឋាភិបាល និង ច្បាប់របស់ខ្លួនអាចផ្តល់នូវការការពារជាចាំបាច់សម្រាប់អ្នកមានជំនឿលើសាសនា និង អង្គការសាសនា ព្រមទាំងសកម្មភាពរបស់ពួកគេ ។ គួរកត់សម្គាល់ថាគោលការណ៍ ការបង្រៀន និង អង្គការសាសនា អាចជួយបង្កើតលក្ខខណ្ឌដែលច្បាប់សាធារណៈ និង ស្ថាប័ននានារបស់រដ្ឋាភិបាល ព្រមទាំងប្រជាពលរដ្ឋរបស់ខ្លួនអាចរីកចម្រើន ប្រយោជន៍ឲ្យមនុស្សទាំងអស់អាចរស់នៅជាមួយគ្នាដោយមានសុភមង្គល សុខដុម និង សុខសាន្ត » ។
អែលឌើរ អូក ក៏បានថ្លែងអំពីសេរីភាពខាងសាសនានៅឯការប្រជុំនៅក្នុងប្រទេស អាហ្សង់ទីនផងដែរ ( សូមមើល « News of the Church » Liahona, ខែ មករា ឆ្នាំ ២០១៦ ទំព័រ ១៦ ) ។
អែលឌើរ ជែហ្វ្រី អ័រ ហូឡិន នៃកូរ៉ុមនៃពួកសាវកដប់ពីរនាក់ បានថ្លែងសុន្ទរកថាដល់ក្រុមសមាជិកសភាពីគ្រប់គណបក្សទាំងអស់ស្តីអំពីកិច្ចការបរទេសនៅក្នុងដំណាក់របស់ព្រះអម្ចាស់នៅក្នុងទីក្រុង ឡុងដ៍ ប្រទេស អង់គ្លេស កាលពីខែ មិថុនា ឆ្នាំ ២០១៥ ។ លោកបានថ្លែងថា « តាមរយៈការស្នើសុំដល់ការគោរពតម្លៃដ៏ផ្ទាល់ខ្លួនរបស់បុគ្គលម្នាក់ សាសនា និង អង្គការសាសនានានាមានកាតព្វកិច្ចពិសេសមួយដើម្បីជំរុញមនុស្ស និង ស្របពេលគ្នានោះ បណ្តុះឥរិយាបថនៃការអភ័យទោស ការស្រុះស្រួលនឹងគ្នា ព្រមទាំងសុឆន្ទៈព្យាយាមម្តងទៀតសម្រាប់ឧត្តមគតិនៅក្នុងជីវិតផ្ទាល់ខ្លួនម្នាក់ និង នៅក្នុងសង្គមរបស់ពួកគេ » ។
នៅឯការប្រជុំវិហារ អ៊ីស្លាម ប្រេស៊ីល នៅក្នុងទីក្រុង សៅ ប៉ូឡូ ប្រទេស ប្រេស៊ីល កាលពីខែ មេសា ឆ្នាំ ២០១៥ អែលឌើរ ឌី ថត គ្រីស្តូហ្វឺសិន ក្នុងកូរ៉ុមនៃពួកសាវកដប់ពីរនាក់បានប្រាប់ក្រុមអន្តរជំនឿថា « សេរីភាពខាងសាសនាគឺជាថ្មសីមានៃសេចក្តីសុខសាន្តនៅក្នុងពិភពលោក ដែលមានអ្នកប្រាជ្ញាវិទូប្រកួតប្រជែងជាច្រើន » ។ លោកបានមានប្រសាសន៍ជាភាសាព័រទុយហ្គាយដល់អ្នកស្តាប់ដែលរួមមានពួកអ៊ីស្លាម កាតូលិក អែតវិនធីស យូដា ពួកអ៊ីវែនជែលីខល ពួកបរិសុទ្ធថ្ងៃចុងក្រោយ ពួកអ្នកគោរពវិញ្ញាណអ្នកស្រុកដើម មនុស្សដែលគ្មានជំនឿជាក់លាក់ និង មនុស្សដទៃទៀត អំឡុងពេលប្រារព្ធពិធីធ្វើការគាំទ្រឥស្សរភាពសាសនារបស់ជាតិ ។ លោកបានមានប្រសាសន៍ថា « ចូរយើងស្វែងរកភាពសុខសាន្ត តាមរយៈការធ្វើការរួមគ្នា ដើម្បីអភិរក្ស និង ការពារសិទ្ធិសេរីភាពរបស់មនុស្សទាំងអស់ដើម្បីគាំទ្រ និង បង្ហាញពីជម្រើសសាសនាមួយ ឬ ជំនឿមួយរបស់ពួកគេ មិនថាជាបុគ្គលម្នាក់ៗ ឬ ជាសហគមន៍ជាមួយមនុស្សដទៃ នៅគេហដ្ឋាន ឬ នៅក្រៅប្រទេស នៅទីសាធារណៈ ឬ នៅកន្លែងឯកជន និង ការថ្វាយបង្គំ ការប្រតិបត្តិតាម ការអនុវត្ត និង ការបង្រៀន » ។
នៅពេលលោកថ្លែងសុន្ទរកថានៅឯការបង្រៀនពីសេរីភាពខាងសាសនាប្រចាំឆ្នាំនៅសាកលវិទ្យាល័យ ណូត ឌែម អូស្ត្រាលី នៅក្នុងទីក្រុង ស៊ីតនី ប្រទេស អូស្ត្រាលី កាលពីខែ ឧសភា ឆ្នាំ ២០១៥ អែលឌើរ ឃ្វីនថិន អិល ឃុក ក្នុងកូរ៉ុមនៃពួកសាវកដប់ពីរនាក់បានមានប្រសាសន៍ថា « មនុស្សដែលមានសេចក្តីជំនឿត្រូវតែនៅជួរមុខគេក្នុងការការពារសេរីភាពខាងសាសនា — គឺជាសេរីភាពមួយដែលធ្វើឲ្យសេរីភាពចាំបាច់ដទៃទៀតកើតឡើងបាន » ។ លោកបានមានប្រសាសន៍ថា « យើងមិនត្រឹមតែការពារសមត្ថភាពរបស់យើងដើម្បីប្រកាសពីសាសនាផ្ទាល់របស់យើងនោះទេ ប៉ុន្តែយើងត្រូវតែការពារសិទ្ធិនៃសាសនានិមួយៗ ដើម្បីចាត់ចែងគោលលទ្ធិ និង ក្រឹត្យវិន័យផ្ទាល់របស់វាផងដែរ » ។
អែលឌើរ រ៉ូណល អេ រ៉ាសបាន ក្នុងកូរ៉ុមនៃពួកសាវកដប់ពីរនាក់ដែលកាលនោះកំពុងបម្រើជាប្រធានច្បងគេ នៃប្រធាននៃពួកចិតសិបនាក់ នៅពេលលោកបានមានប្រសាសន៍ទៅកាន់និស្សិតនៅឯសាកលវិទ្យាល័យ ព្រិកហាំ យ៉ង់ នៅក្នុងទីក្រុង ប្រូវ៉ូ រដ្ឋ យូថាហ៍ ស.រ.អា. នៅក្នុងខែ កញ្ញា ឆ្នាំ ២០១៥ ។
លោកបានមានប្រសាសន៍ថា « មនុស្សមួយចំនួនដែលមានអាយុស្របាលអ្នក ងឿងឆ្ងល់ពីមូលហេតុដែលក្រុមសាសនាមានជាប់ទាក់ទិននឹងរឿងនយោបាយតាំងពីដំបូង ហើយពួកគេសង្ស័យជារឿយៗពីការជំរុញទឹកចិត្តរបស់អ្នកមានជំនឿសាសនា នៅពេលពួកគេធ្វើបែបនេះ ។ សំឡេងនៃក្រុមទាំងនេះដែលទទួលអារម្មណ៍ថា សាសនាពុំគប្បីដើរតួនៅក្នុងការពិភាក្សានយោបាយដែលបានកើនឡើងយ៉ាងខ្លាំងនៅក្នុងប៉ុន្មានឆ្នាំថ្មីៗនេះឡើយ ដែលវាបង្កើនគ្រោះថ្នាក់នៃការបង្កើតនូវឋានៈនៃការទទួលរងគ្រោះមួយផ្សេងទៀត ៖ គឺមនុស្សដែលមានជំនឿ ដូចជារូបអ្នក និង រូបខ្ញុំ » ។
អែលឌើរ រ៉ាសបាន បានប្រាប់និស្សិតទាំងនោះថា ពិភពលោកនេះត្រូវការអ្នកជាប់ទាក់ទងយ៉ាងសកម្មចេញពីជំនាន់របស់ពួកគេស្តីពីប្រធានបទនេះ ។ « យើងត្រូវការឲ្យជំនាន់របស់អ្នកមានការយល់ដឹងជាសាកលនូវសេចក្តីមេត្តាករុណា ការគោរព និង ភាពយុត្តិធម៌ ។ យើងត្រូវការភាពសុទ្ធិដ្ឋិនិយមរបស់អ្នក និង ការប្តេជ្ញាចិត្តរបស់អ្នកដើម្បីដោះស្រាយបញ្ហាសង្គមដ៏ស្មុគស្មាញនេះ ។ លោកបានមានប្រសាសន៍ថា ចម្លើយនោះគឺត្រូវចាប់ផ្តើមជាមួយបទបញ្ញត្តិរបស់ព្រះអង្គសង្គ្រោះឲ្យ « ស្រឡាញ់ដល់គ្នាទៅវិញទៅមក ដូចជាខ្ញុំបានស្រឡាញ់អ្នករាល់គ្នាដែរ » ( យ៉ូហាន ១៣:៣៤ ) ។