Ngaahi Fakakaukau Maʻá e Efiafi Fakafāmili ʻi ʻApí

ʻOku ʻi he makasini ko ʻení ha ngaahi fakamatala mo e ngaahi ʻekitivitī ʻe lava ke fakaʻaongaʻi ʻi he efiafi fakafāmili ʻi ʻapí. Ko ha sīpinga ʻeni ʻe ua.

Family group in Taiwan sitting together looking at a computer, talking and looking at photographs.

“Ko e Fiefia ʻo e Ngāue ki he Hisitōlia Fakafāmilí,” peesi 22: ʻOku fakaafeʻi kitautolu ʻe ʻEletā Kuki ke kamata ngāue ʻi he hisitōlia fakafāmilí ʻaki hano fakahoko ha “Fakataha ʻAkau Fāmilí.” Fakakaukau ke fakaʻaongaʻi ʻa e FamilySearch.org ʻi hoʻomou efiafi fakafāmili ʻi ʻapí, ke lēkooti e fakamatala, ngaahi talanoa, mo e ngaahi tā homou fāmilí. Naʻe palōmesi ʻa ʻEletā Kuki ʻo pehē, “kapau te ke sio fakalaka atu ʻi he ngaahi haʻi ʻo e taimí mo e moʻui fakamatelié pea tokoniʻi ʻa kinautolu ʻoku fie maʻu tokoní, ʻe tāpuakiʻi koe ʻaki ʻa e vāofi mo e fiefia ange ho fāmilí pea ʻe foaki ʻa e maluʻi fakalangí maʻanautolu ʻoku faivelenga ʻi Heʻene ngāué.”

Illustration depicting a girl helping her mother wash dishes, and two girls standing together and smiling.

Tā fakatātā ʻa Andrew Bosley

“Mataʻikoloa ʻo e Fakamoʻoní,” peesi 70: ʻI he taimi naʻe ʻiloʻi ai ʻe Sapilina ko ha mataʻikoloa ʻene fakamoʻoní, naʻá ne fie vahevahe ia mo e tokotaha kotoa pē. Fakakaukau ke tokoniʻi ho fāmilí ke nau ʻiloʻi ʻenau “mataʻikoloa ʻo e fakamoʻoní” ʻaki hono aleaʻi e ʻuhinga ʻoku nau ʻofa ai ʻi he ongoongolelei ʻo Sīsū Kalaisí, ongo ʻoku nau maʻu aí, pe founga ʻoku nau fakaʻaongaʻi ai ki heʻenau moʻui fakaʻahó. Te ke ala tuku ke hiki ʻe he tokotaha kotoa ʻenau ngaahi tali ki he ngaahi fehuʻi ko ení pe fakaʻaongaʻi ha meʻa hiki ongo. Fakakaukau ke tuku ange ki he tokotaha kotoa ke ne fili ha taha ke nau vahevahe ki ai ʻenau mataʻikoloa ʻo e fakamoʻoní he uiké ni.