Ngaahi Talanoa ʻo e Tohi ʻa Molomoná
Kolosi e Fāmili ʻo Nīfaí he Tahí
Naʻe fononga ʻa e fāmili ʻo Nīfaí ʻi he feituʻu maomaonganoá he taʻu ʻe valu. Ne faifai pea nau aʻu ki ha feituʻu fakaʻofoʻofa. Naʻe ofi ki he tahí, pea naʻe lahi e fuaʻiʻakaú mo e huʻa honé ke kai. Naʻe fiefia ʻaupito ʻa e taha kotoa!
Ka naʻe teʻeki ʻosi ʻenau fonongá. Naʻe fekau ʻe he Tamai Hēvaní ʻa Nīfai ke foʻu ha vaka. Naʻá Ne fakahā kia Nīfai ʻa hono fōtunga totonú. Naʻá ne palōmesi ʻe ʻave kinautolu ʻe he vaká ki ha fonua foʻou fakaʻofoʻofa.
Naʻe ʻuluaki ngaohi ʻe Nīfai ha ngaahi meʻangāue. Naʻá ne kamata foʻu leva. Naʻe lāunga e ongo taʻokete ʻo Nīfaí ko Leimana mo Lēmiuelá. Naʻe ʻikai ke na tui te ne lava ʻo foʻu ha vaka.
Naʻe ʻiloʻi ʻe Nīfai ʻe lava ke falala honau fāmilí ki he Tamai Hēvaní.
ʻI he taimi naʻe ʻosi ai e vaká, naʻe kamata e folau ʻa e fāmili ʻo Nīfaí ʻi he tahí. Ne ʻi ai ha ʻaho ʻe taha ne ʻita ai ʻa Leimana mo Lēmiuela ʻia Nīfai ʻo haʻi ia. Ne tō ha afā lahi ʻo puhi ʻa e vaká ki mui. Naʻe fakatomala e ongo taʻoketé ni, pea hanga ʻe Nīfai ʻo fakafolau hao e vaká ʻi hono ʻalungá.
Ne faifai pea aʻu e fāmili ʻo Nīfaí ki he matāfanga ʻo ha fonua foʻou. Naʻe fiefia ʻa Nīfai mo hono fāmilí he naʻa nau ʻiloʻi naʻe tataki kinautolu ʻe he Tamai Hēvaní.
ʻOku tauhi maʻu pē ʻe he Tamai Hēvaní ʻEne ngaahi palōmesí!