Ngaahi Fakakaukau Maʻá e Efiafi Fakafāmili ʻi ʻApí

ʻOku ʻi he makasini ko ʻení ha ngaahi fakamatala mo e ʻekitivitī ʻe lava ke fakaʻaongaʻi ʻi he efiafi fakafāmili ʻi ʻapí. ʻOku ʻoatu heni ha fakakaukau ʻe ua.

“ʻE Lava Ke Faingataʻa e Kau ki he Siasí: Ngaahi Talanoa ʻo e Kau Papi Uluí,” peesi 50: Fakakaukau ke fakahoko ha fealēleaʻaki mo ho fāmilí fekauʻaki mo e ngaahi talanoa fakaului naʻe vahevahe mai ʻe he kau mēmipa ʻi he fakamatala ko ʻení. Te ke lava foki ke lau e lisi ʻo e ngaahi faingataʻa ʻe 10 (naʻe ʻasi ʻi he fakamatalá) naʻe fehangahangai mo e kau papi uluí. Kumi fakataha mo ho fāmilí, e kau mēmipa foʻou homou uōtí pe koló pe kau mēmipa ʻa ia ʻoku kamata ke toe foki mai ʻo mālohi ʻi he Siasí. Hili iá pea ngāue fakataha ke faʻu ha palani ke fakamaheni ki he kau mēmipa ko iá pea poupouʻi kinautolu ʻi heʻenau feinga ke maʻu ha mālohi ke nau feʻunga ki he moʻui fakasōsialé mo e anga fakafonuá pea mo tupulaki fakalaumālie.

“ʻOku Tau Manatu mo Hū Ki Hotau Fakamoʻuí, ko Sīsū Kalaisi,” peesi 68, mo e “Ko e Fuofua Kilisimasí,” peesi 74: Fakamanatu e ʻaloʻi ʻo e Fakamoʻuí ʻaki ha taha ʻo e ngaahi fakakaukau ki he ʻekitivitī faka-Kilisimasí ʻi he makasini ko ʻení. Hangē ko ʻení, te ke lava ʻo kosi e ngaahi puha ʻi he peesi 69 pea fakakaukauʻi fakafāmili ʻa e founga te mou fakahaaʻi ai hoʻomou ʻofa ki he Fakamoʻuí lolotonga e faʻahitaʻu Kilisimasi ko ʻení pea ʻi he taʻú kakato. Te ke lava foki ʻo fakaʻaongaʻi e fakamatala ʻi he peesi 74 ko ha fakahinohino ke tokoni ki ho fāmilí ke fakatātaaʻi ʻa e konga ʻo hono ʻaloʻi ʻo Sīsuú. ʻE ala tokoni fakatouʻosi ʻa e ongo ʻekitivitī ko ʻení ki hoʻo fānaú ke ako ʻa e founga ke tukutaha ai ʻenau fakakaukaú ki he Fakamoʻuí ʻi he taimi Kilisimasí.

ʻI Hoʻo Lea Fakafonuá

ʻOku maʻu ʻa e Liahoná mo e ngaahi nāunau kehe ʻa e Siasí ʻi ha ngaahi lea fakafonua lahi ʻi he languages.lds.org.