Fiefia ʻi Hoku Fatongiá

Mātiu Kata, ʻIutā, USA

ʻI heʻeku hoko ko ha tāutaha lalahí, kuó u ʻilo ai ʻoku ou lava ke tokoni ki hoku uōtí pea maʻu e fiefiá ʻi heʻeku ngāue ʻi he ngaahi fatongia kehekehe ʻi he Siasí.

ʻOku ou lolotonga hoko ko e tokoni ua ʻi he kau palesitenisī ʻo e Kau Talavoú. ʻI heʻeku ʻi he houalotu ʻa e Kau Talavoú, ʻoku ou maʻu ai e faingamālie ke ʻalu mo e kau tīkoní ʻo tānaki e foaki ʻaukaí, feʻiloaki mo e kau mēmipa māmālohi ʻo e uōtí, pea kau he konifelenisi ʻa e toʻu tupú mo e ngaahi ʻekitivitī ʻa e Mutualé. ʻOku fakafiefia foki ʻe ʻalu ki he temipalé mo e toʻu tupú ke fakahoko e papitaisó maʻá e kau pekiá. ʻI heʻeku fua e fatongiá ni, ne u ngāue mālohi ke tokoniʻi e kau talavoú ke nau tupu hake ʻo hoko ko ha kakai lalahi ʻaki hono fakahaaʻi ʻeku ʻofa mo e houngaʻia ʻiate kinautolú. Naʻe tokoni e ngaahi meʻa ko ʻeni kuó u aʻusiá ke u tupulaki fakalaumālie ai pea kuo hoko ia ko ha tāpuaki ki heʻeku moʻuí.