Fanga Kiʻi Meʻa Iiki mo Faingofua

2011

ʻAokosi 2011

Fanga Kiʻi Meʻa Iiki mo Faingofua

“ʻOku fakahoko ʻe he fanga kiʻi meʻa iiki mo faingofuá ʻa e ngaahi fuʻu meʻa lalahi” (ʻAlamā 37:6).

Fie maʻu ha ngaahi Talanoa maʻá e Fānaú

ʻOku fie maʻu ʻe he Liahoná ha ngaahi talanoa moʻoni naʻe tohi ʻe he kakai lalahí ʻo makatuʻunga ʻi he ngaahi meʻa ne aʻusia ʻe he fānau ʻo e māmaní. Kuo pau ke makatuʻunga ʻa e ngaahi talanoá he meʻa naʻe hoko tonu; ka neongo iá, ʻe lava ke fai ha tānaki pe liliu ki he hingoá, fepōtalanoaʻakí, mo e fanga kiʻi fakamatala īkí ke tokoni ki hono fakakakato e foʻi talanoá.

ʻOku totonu ke hā mei he ngaahi talanoá hono ako mo fakaʻaongaʻi ʻe he fānaú e ngaahi tefitoʻi moʻoni ʻo e ongoongoleleí ʻi heʻenau moʻuí, tautefito ki he tokoni ʻa e ongoongoleleí ke nau ikunaʻi e ngaahi ʻahiʻahi mo e ngaahi faingataʻa ʻo e moʻuí. ʻOku totonu ke hā mei he ngaahi talanoá ʻa e fakakaukau mo e ongo ʻa e kiʻi tokotaha ʻoku fai ki ai e talanoá.

Ko e ngaahi maʻuʻanga fakakaukau lelei ki he talanoá ʻa e ngaahi meʻa naʻá ke aʻusia ʻi hoʻo kei siʻí, pe ko hoʻo fānaú, pe ko ha ngaahi meʻa naʻá ke sio tonu ne hoko ki he fānau homou feituʻú.

ʻE kau he ngaahi kaveingá ʻa e tuí, papitaisó, faitotonú, fakamolemolé, fakamoʻoní, efiafi fakafāmili ʻi ʻapí, muimui ki he palōfitá, tokoniʻi e niʻihi kehé, muimui kia Sīsū Kalaisí, ko e Laumālie Māʻoniʻoní, pe faʻahinga tefitoʻi moʻoni mei he Ko Hoku Ngaahi Tuʻunga Mahuʻinga ʻi he Ongoongoleleí.

Kuo pau ke fakakau mai ʻa e hingoa ʻo e tokotaha naʻá ne faʻu e talanoá, tuʻasilá, fika telefoní, tuʻasila ʻī-meilí (kapau ʻoku ʻi ai), uōtí pe koló, mo e siteikí pe vahefonuá. ʻĪ-meili mai e ngaahi talanoá ki he liahona@ldschurch.org pe ʻomi ki he:

Talanoa maʻá e Fānaú

Liahona, Rm. 2420

50 E. North Temple St.

Salt Lake City, UT 84150-0024, USA