Ngaahi Fokotuʻu ke Ako he Toenga ʻo e Moʻuí

• Lau ha tohi lelei.

• Kamataʻi ha faʻahinga meʻa ʻokú ke manako ai peá ke feinga maʻu pē ke fai.

• ʻAlu ki ha ngaahi meʻa fakafonua ʻoku fakatupulakí.

• Ako e lea he konifelenisi lahí pe ko ha vahe ʻi he tohi lēsoni Ngaahi Tefitoʻi Moʻoni ʻo e Ongoongoleleí ne vahe ki he lēsoni he Sāpaté.

• ʻAʻahi ki he musiumé mo e ngaahi feituʻu fakahisitōliá.

• Vakaiʻi ho ʻātakaí: ʻeva holo ʻi ho kaungāʻapí, sio ki he ngaahi fetuʻú, sio ki he fanga monumanu homou feituʻú.

• Fai e hisitōlia fakafāmilí.

• Ako ha pōtoʻi ngāue foʻou pe sipoti.

• ʻAlu ki he laipelí ke fekumi ki ha tefito ʻokú ke manako ai.

Ki ha fakamatala lahi ange ki he tefitó ni, vakai, ki he Tuʻu Maʻu ʻi he Tuí (2004), “Ako,” 3–4.

Akó: Fakatupulaki Hotau Poto ke Ngāué

“ʻOku poupouʻi maʻu pē ʻe he ʻEikí mo Hono Siasí ʻa e akó ke fakatupulaki ai hotau potó ke ngāue Maʻana pea mo e fānau ʻetau Tamai Hēvaní. Kiate kitautolu fakatāutaha, tatau ai pē pe ko e hā hotau talēnití, ʻoku ʻi ai ʻEne ngāue ke tau fai. Pea ke fakahoko lelei iá kuo pau maʻu pē ke fai ha ako ʻo ʻikai tuʻo taha pe ʻi ha taimi nounou pē, ka ke hokohoko atu.”

Palesiteni Henry B. Eyring, Tokoni ʻUluaki ʻi he Kau Palesitenisī ʻUluakí, “Education for Real Life,” Ensign, Oct. 2002, 17.

Tā fakatātaaʻi ʻo e ʻatá ʻe Robert Casey