Ko ʻEtau Pēsí
ʻOku manako ʻa Sasivi V., taʻu 7, mei Kalolaina Saute ʻi he USA, ke ʻalu ki he temipalé mo ʻene ongomātuʻá, pea ʻokú ne ʻofa lahi ʻia Sīsū Kalaisi. Ko ʻene taumuʻá ke ako e Ngaahi Tefito ʻo e Tuí ki muʻa ʻi hono papitaisó.
Naʻá ku Ongoʻi ʻa e Laumālié
ʻI ha efiafi ʻe taha, hangē pē ko e ngaahi efiafi kotoa, ne u tūʻulutui ʻi hoku mohengá ke lotu ki muʻa peá u mohé. Ka ʻi he pō ko iá hili ʻeku lotú, naʻá ku ongoʻi fiefia ange ʻi ha toe taimi ki muʻa. ʻOku ou ʻilo naʻá ku ongoʻi ʻa e Laumālie Māʻoniʻoní he pō ko iá.
Lisa E., taʻu 12, Siamane
ʻOku saiʻia ʻa Teniela M., taʻu 8, mei Kositā Liká, ke fai e efiafi fakafāmili ʻi ʻapí pea vahevahe mo hono fāmilí. ʻOkú ne saiʻia ke vaʻinga mo hono tuongaʻane ko Lūtofī. ʻOku saiʻia he lanu kulokula māmá.
ʻOku saiʻia ʻa Lotolofō M., taʻu 6, ke lau e ʻū potufolofola kau ki hono ʻaloʻi ʻo Sīsū Kalaisí. ʻOku saiʻia he lanu puluú. ʻOku ʻofa heʻene ongomātuʻá koeʻuhi he ʻokú na tokangaʻi ia mo ʻofa ai.
Te u Lava ke Ongoʻi Fiefia
ʻI he taimi ʻoku ou fai ai ha meʻa ʻoku hala, ʻoku ou kole fakamolemole pea feinga ke u toe lelei ange. ʻI he taimi ʻoku ou fai ai ʻa e meʻa ʻoku totonú, ʻoku tokoni mai ʻa e Laumālie Māʻoniʻoní ke u ongoʻi fiefia. ʻOku ou loto ke maʻu maʻu pē ʻa e ongo ko iá. ʻI he Tohi ʻa Molomoná, ʻi he taimi naʻe fai ai ʻe ʻAlamā ko e Siʻí ha meʻa ʻoku kovi, naʻá ne fakatomala leva pea fai ʻa ia ʻoku totonú. Naʻá ne hoko ko ha faʻifaʻitakiʻanga lelei.
Sēleti Y., taʻu 5, Maleisia Hihifo
Vāleli R., taʻu 11, Suisalani
Fini S., taʻu 10, Siamane
Huani G., taʻu 6, ʻEkuatoa
Toʻomataʻú: ʻū tā fakatātā ʻa Juan mo Fynn pea naʻe toʻo mei he fakaʻaliʻali ʻaati ʻa e fānaú