Սուրբ գրությունները իմ խարիսխն են
Ջիսելի Դ., Վենեսուելա
Երբ ես սկսեցի հաճախել սեմինարիա որպես Եկեղեցու նոր անդամ, ես չէի պատկերացնում, որ սուրբ գրությունները կդառնան իմ խարիսխը, իմ վահանը և պաշտպանությունը, իմ մխիթարությունը և ուրախությունը: Սուրբ գրությունների միջոցով ես ճանաչեցի Աստծո խիզախ մարդկանց, ովքեր պայքարել են իրենց համոզմունքների և իրենց ընտանիքների համար, և ովքեր միշտ առաջ են գնացել, լինելով հաստատուն և անսասան Քրիստոսում: Նրանք եղել են խոնարհ, համբերատար և լցված սիրով, գթությամբ և հավատքով: Ես գիտեմ, որ իրենց սրտերում նրանք ցանկանում էին, որ մենք մեր օրերում ապրենք սուրբ գրություններում ուսուցանվող յուրաքանչյուր սկզբունքի համաձայն:
Սուրբ գրությունների այդ հերոսներից յուրաքանչյուրն ինձ տպավորել է, սակայն ամենահիացնողը նա էր, ով մանուկ հասակից եղել է խոնարհ և հնազանդ, ով կատարյալ օրինակ է ծառայել, ում պարտական է ողջ մարդկությունը: Այդ մարդը Հիսուս Քրիստոսն է: Ես խոսք չունեմ Նրան իմ երախտագիտությունն արտահայտելու համար:
Սեմինարիան ինձ ուսուցանել է, որ սուրբ գրությունները ոչ միայն պետք է պահվեն մեր հիշողության մեջ, այլ պետք է կիրառվեն մեր կյանքում: Ես շնորհակալ եմ իմ լավ ուսուցիչներից յուրաքանչյուրին, ովքեր իսկական գործիք են Տիրոջ ձեռքերում: