Միացյալ ժամ

Ջոզեֆ Սմիթի միջոցով Հիսուս Քրիստոսը վերականգնեց ավետարանի լրիվությունը

Սանդրա Թաններ և Կրիստինա Ֆրանկո

Պատկերացրեք մաքուր ջրով լի մի բաժակ: Եթե մենք շարժենք բաժակը, ջուրը կարող է դուրս թափվել և բաժակն այլևս լիքը չի լինի:

Սկզբում ավետարանի լրիվությունը երկրի վրա էր: Տարիներ շարունակ մարգարեները ուսուցանում էին ավետարանը:

Երբ Հիսուս Քրիստոսը եկավ երկիր, նա հիմնեց Իր Եկեղեցին: Նա ուսուցանեց ավետարանի լրիվությունը՝ Հիսուս Քրիստոսի հանդեպ հավատք, ապաշխարություն, մկրտություն ջրի մեջ մտնելով, Սուրբ Հոգու պարգև և հնազանդություն պատվիրաններին: Հիսուսը բոլոր մարդկանց ցույց տվեց, թե ինչպես մենք պետք է ապրենք: Նա դարձավ մեր բոլորի Փրկիչը: Ավետարանի բաժակը լիքն էր:

Բայց տարիներ անցան և ավետարանի որոշ մասեր կորան, որովհետև չար մարդիկ փոփոխում էին դրանք կամ չէին հնազանդվում դրանց: Ավետարանի լրիվությունն այլևս երկրի վրա չէր: Երկնային Հայրը Իր զավակներին խոստացավ, որ կրկին կտար նրանց ավետարանի լրիվությունը: Նա կանչեց Ջոզեֆ Սմիթին՝ օգնելու Իրեն վերականգնել ավետարանի լրիվությունը:

Հովհաննես Գ.16-ը մեզ ուսուցանում է, որ Երկնային Հայրը մեզ տվեց Իր Որդուն և ավետարանը, որովհետև Նա սիրում է Իր զավակներին: Նա կանչում էր մարգարեներ, որպեսզի նրանք բոլորին սովորեցնեն Իր ավետարանը, որպեսզի մենք իմանանք Նրա մոտ վերադառնալու ճանապարհը:

Մենք օրհնված ենք, որովհետև ունենք ավետարանի լրիվութունը Հիսուս Քրիստոսի Վերջին Օրերի Սրբերի Եկեղեցում: Ավետարանի մեր բաժակները լիքն են, մինչև ծայրը, և Երկնային Հայրը խոստացել է, որ ավետարանը երբեք այլևս չի վերցվի երկրի երեսից:

2010թ. ապրիլի սուրբ գրությունների ամսագիր

Կարդացեք հավատո վեցերորդ հանգանակը Մեծագին Մարգարիտ-ում:

Անգիր սովորեք հավատո այս հանգանակը:

Աղոթեք, խնդրելով Երկնային Հորը օգնել ձեզ իմանալ, որ Հիսուս Քրիստոսը վերականգնել է ավետարանի լրիվությունը Ջոզեֆ Սմիթի միջոցով:

Ընտրեք այս վարժություններից մեկը, կամ հնարեք ձերը.

• Օգնեք որևէ մեկին սովորել հավատո այս հանգանակը:

• Կարդացեք, կամ խնդրեք որևէ մեկին ձեզ համար կարդալ Ջոզեֆ Սմիթ-Պատմությունը Մեծագին Մարգարիտ գրքում:

• Պատրաստեք անիվ, ինչպես էջ 67-ի պատմության մեջ: Կտրեք երկու անիվ և փակցրեք դրանք պղնձե ամրակի օգնությամբ: Անիվի օգնությամբ ինչ-որ մեկին սովորեցրեք, թե ինչպես Հիսուս Քրիստոսը վերականգնեց ավետարանի լրիվությունը Ջոզեֆ Սմիթի միջոցով:

• Մեր միսիոներները աշխարհով մեկ ուսուցանում են վերականգնված ավետարանի ճշմարտությունները: Աղոթեք նրանց համար: Աղոթեք, որպեսզի իմանաք, թե ում կարող եք հրավիրել լսել միսիոներական ուղերձը:

Ձեր արածը ինչպե՞ս օգնեց ձեզ հասկանալ հավատո վեցերորդ հանգանակը:

Գրեք ձեր օրագրի մեջ ձեր արածի մասին կամ նկարեք դա:

Ջոզեֆ Սմիթի միջոցով Հիսուս Քրիստոսը վերականգնեց ավետարանի լրիվությունը

Ձախում. Առաջին Տեսիլք, Գարի Լ. Քապ, չբազմացնել; վերևից աջում. Նկարները՝ © Vivid Details; ներքևից աջում. Ջոզեֆ Սմիթը թարգմանում է Մորմոնի Գիրքը, Դել Փարսոն, © IRI; մյուս նկարները՝ Ռոբերտ Տ. Բարեթի