2010
Աստծո մեծ աշխատանքը
Ապրիլ 2010

Առաջին Նախագահության Ուղերձ

Աստծո մեծ աշխատանքը

Նախագահ Դիտեր Ֆ. Ուխդորֆ

Առաջին Նախագահության Երկրորդ Խորհրդական

Նկար
President Dieter F. Uchtdorf

Ապրիլի 6, 1830

Հարյուր ութսուն տարի առաջ Ջոզեֆ Սմիթը, Օլիվեր Քաուդերին և մի խումբ այլ մարդիկ հավաքվեցին միասին և կազմակերպեցին Հիսուս Քրիստոսի Վերջին Օրերի Սրբերի Եկեղեցին: Ամեն առումով դա պարզ, բայց հոգևոր ժողով էր: Ջոզեֆը գրում է, որ հաղորդությունից հետո «Սուրբ Հոգին հեղվեց նրանց վրա մեծ ուժով, ոմանք մարգարեացան, մինչ բոլորը փառաբանում էին Տիրոջը և չափազանց ուրախանում»:1

Այդ օրվա իրադարձությունները աշխարհի համար աննկատ անցան, դրանք չհայտնվեցին առաջին էջերում: Այնուամենայնիվ, ինչպես պետք է որ հրճվեին երկինքները և փառաբանեին Աստծուն այդ օրը, քանի որ Հիսուս Քրիստոսի Եկեղեցին վերադարձել էր երկիր:

Սոլոմոն Չամբերլեյն

Այդ օրից մինչ այսօր հավատքով լցված Երկնային Հոր միլիոնավոր որդիներ և դուստրեր հետևեցին Սուրբ Հոգու հուշումներին և մտան մկրտության սուրբ ջրերը: Այդ մարդկանցից մեկը Սոլոմոն Չամբերլեյնն էր:

Սոլոմոնը հոգևոր տղամարդ էր և ժամեր շարունակ անց էր կացրել աղոթելով մեղքերի թողության համար և խնդրելով Երկնային Հորը տանել իրեն դեպի ճշմարտություն: 1816 թվին Սոլոմոնը տեսիլքում խոստում էր ստացել, որ կտեսներ այն օրը, երբ Քրիստոսի Եկեղեցին կրկին կկազմակերպվեր երկրի վրա ըստ առաքելական կարգի:

Տարիներ անց Սոլոմոնը նավակով ճանապարհորդում էր Կանադա, երբ նրանք կանգ առան Պալմիրա անունով փոքր քաղաքում, Նյու Յորք: Այնտեղ նա ուժեղ զգացում ունեցավ, որը ստիպեց նրան իջնել ցամաք: Չիմանալով, թե ինչու էր այնտեղ, նա սկսեց խոսել քաղաքի մարդկանց հետ: Քիչ անց նա լսեց «ոսկե Աստվածաշնչի» մասին խոսակցություններ: Նա ասաց, որ այդ երկու խոսքերը կարծես էլեկտրական հոսանք հաղորդեցին իրեն գլխից մինչև ոտքերի ծայրերը:

Որոնումները բերեցին նրան Սմիթների տուն, որտեղ նա զրուցեց ներկաների հետ վերականգնված ավետարանի հիանալի նորությունների մասին: Այնտեղ երկու օր անցկացնելուց և ճշմարտության մասին վկայություն ստանալուց հետո, Սոլոմոնը շարունակեց դեպի Կանադա իր ուղևորությունը, իր հետ տանելով Մորմոնի Գրքի նոր տպված և չկարված 64 էջերը: Ամենուրեք, ուր նա գնում էր, ուսուցանում էր մարդկանց, «և բարձր, և ցածր դիրքում գտնվող, և հարուստներին և աղքատներին, պատրաստվել Աստծո մեծ աշխատանքին, որն այժմ առաջ էր գալիս»:2

Աստծո մեծ աշխատանքը

Այդ օրվանից ի վեր, 1830թ. ապրիլին, միլիոնավոր մարդիկ բացեցին վերականգնված ավետարանի ճշմարտությունը և մտան մկրտության ջրերը: Ես վկայում եմ, որ սա այսօր երկրի վրա «Աստծո մեծ աշխատանքն է»: Ես բերում եմ վկայություն, որ Տերը հետևում է Իր Եկեղեցուն և ղեկավարում է այն Իր մարգարեի՝ Նախագահ Թոմաս Ս. Մոնսոնի միջոցով: Այս վերջին օրերում ապրելը արտասովոր օրհնություն է: Սրանք փառավոր ժամանակներ են, որոնք կանխատեսել են հին մարգարեները, և որոնց ընթացքում բազմաթիվ այցելություններ են կատարվել հոգ տանող հրեշտակների կողմից: Տերը մտածում է Իր Եկեղեցու մասին: Նա նաև մտածում է Սողոմոն Չամբերլեյնի նման մարդկանց մասին, ոքեր, հետևում են Սուրբ Հոգու հուշումներին և ամբողջ աշխարհում իրենց եղբայրների և քույրերի հետ միասին միանում և առաջ են տանում Աստծո այս մեծ աշխատանքը:

Հղումներ

  1. Joseph Smith, in History of the Church, 1:78.

  2. “A Short Sketch of the Life of Solomon Chamberlain,” typescript, Church History Library (on the Internet at www.boap.org/LDS/Early-Saints/SChamberlain.html); տես նաև William G. Hartley, “Every Member Was a Missionary,” Ensign, Sept. 1978, 23. Եկեղեցու կազմակերպումից մի քանի օր անց Սոլոմոն Չամբերլեյնը մկրտվեց Ջոզեֆ Սմիթի կողմից Սենեկա Լճում, Նյու Յորք:

Լուսանկարը Մեթյու Ռեյերի, Ջոզեֆ Սմիթ՝ Վերականգնման Մարգարե փաթեթից:

Լուսանկարը Մեթյու Ռեյերի; նկարները Մերին Ռուսի

Երեխաների տարածք