2009
Ekkatak jān Rikanaan Joseph
April 2009


Ekkatak jān Rikanaan Joseph

Sue Barrett, Māākjiin ko an Kabun̄

Juōn iaan men ko rōm̧m̧an ippām kōn nukin in jota ko ekar iukkure kōn bwebwenato in Joseph Smith im m̧ōdānļo̧k eo m̧oktata. Iaar kwaļo̧k bwebwenato eo; innām ajri ro jibū raar iukkure kake, bōk ijōko koņaan rikwaļo̧k ro im Joseph Smith. Iaar pijaik jet wōjke ilo pepa n̄an bōk jikin bukwe in wōjke eo im kōddāpe ikiin ruum̧ eo, kar kōm̧m̧ane jet kakōļļe ko rej ba “Rikwaļo̧k” n̄an rikwaļo̧k ro, im eaar wōr juōn jea im juōn Baibōļ kōn “Joseph” n̄an katak jāne.

Kajjojo iaan rikwaļo̧k ro raar ba n̄an Joseph, “Kabun̄ eo aō ej juōn eo ejim̧we. Koba tok ilo kabun̄ eo aō, Joseph.” Im Joseph eaar uwaak, “I jaje,” ak, “ij aikuj in ļōmņak kake.” Ālkin an aolep rikwaļo̧k ro kar kōnono n̄ane, Joseph eaar jijet ilo jea eo im riiti James 1:5 ilo an ļap ainikien. Innām eaar etal n̄an būkwin wōjke ko im bukwelōlō im jar. Ejjeļo̧k juōn eaar kōm̧m̧ane m̧ōttan ko ikijjien Jemādwōj Ilan̄ ak Jisōs Kraist, im kōm ar aolep kautiej ke kajjojo “Joseph” raar etal n̄an bukwe in wōjke ko n̄an jar. Kajjojo ajri ekar wōr koņaaer n̄an aer juon rikwaļo̧k im Joseph.

Innām kōm ar kōnono kōn ta eo Joseph Smith eaar katak ilo M̧ōdānļo̧k eo M̧oktata, wāween ad bōk uwaak in jar ko ad mekarta jejjab ellolo m̧ōdānļo̧k, im wāween an jeje ko rōkwojarjar maron̄ tōl kōj.