Iango Ibukin te Bootaki n Utu n te Tairiki

Taian kaoti n taian angareirei aikai a kona ni kabonganaki n umanreirei ai arona naba n te mweenga. Ko na kona ni bwaini iango aikai nakon am utu ke am kirati.

“Tera Nanon te Mwakuri ni Kamaiu Iroum?” p. 14: Kaoia kaain am utu man tibwauai bwaai ni kabane are a ataia ibukin taekan Nibwaai. Tuangia bukin tera a iangoia bwa e kukurei e ngkae ngke e rinanon kataaki aika kanganga (tara 2 Nibwaai 5:27). Kakimototoa te mwakoro “Te Kukurei rinanon te Mwakuri ni Kamaiu.” Maroroakinna bwa e kanga Nibwaai n tabeakina ana kanganga ao e kanga ana waaki n tabeakinna ni kona ni karaoaki nakon am utu. Kainna ni warekakin uoua kabanean bwarakarabe n te rongorongo.

“Te Reirei ao Aomata aika Itiaki ni Boong aika Kaitira,” iteraniba 26: Mai imwaina, wareka te rongorongo ao rinei bwarakarabe are a rangi ni korakora riki nanona nakoia am utu. Tuangia kaain te utu bwa a na wareka taian bwarakarabe ake a tia n rineaki ao maroroakina ake a tia ni warekia. Kainna ni warekakin uoua kabanean bwarakarabe n te rongorongo.

“Ana Berita nako te Burabeti,” iteraniba R6: Imwin warekan te rongorongo, karekeia kaain te utu ni kauki n aki iangoia aia boki aika tabu ao ni kataia ni wareki ni kareei. Maroroakinna bwa e kanga warekan booki aika tabu n taai nako ni kona ni kakabwaiaia kaain te utu n tatabemania nako. Manga wareka te berita are e anga Beretitent Ezra Taft Benson (tara moan te rongorongo), ao katea te kouru ni bootaki n reitanako warekakin booki aika tabu n taai nako.

“Ingainga n Reiakina,” iteraniba R12: Kaoia ataei ni kakairuamwi ni karaoa te mwakuri n akea te taetae, ao ake tabeman a na ketinna bwa tera. Maroroakinna bwa tera a na kainnanoia kaain te utu n reiakinna n te aro bwa a na mwakuri n te mwakuri anne. Wareka te karaki. Kinai bwaai ake e na kainnanoi Russell n ataia imwain ae e kona n reiakina taekan mannin ngkoa ae moan te takabubura (dinosaurs). Kainna ni warekan Doctrine and Covenants 88:118.