Tibwauaan te Tai

Iesu Kristo Bon Au Tia Kamaiu

Mairoun Cheryl Esplin

“Boni Ngai te kawai, te koaua, ao te maiu: akea te aomata ae kona n roko nakon te Tama bwa mai Irou” (Ioane 14:6).

Imwain ae e karuoira Tamara are i Karawa nakon te aonaaba, E rinea Iesu Kristo bwa ara tia kairiiri ao ara Tia Kamaiu. Ko atia n rineia bwa ko na ira Iesu Kristo imwain ae ko bungiaki.

Ngke e roko Iesu iaon te aba, E reirei te euangkerio ao e katea Ana Ekaretia. E kawakina Ana berita ae na riki bwa ara Tia Kamaiu. E maraki ao e mate ao e a manga kautaki bwa ti aonga ni kona ni manga kautaki ao ni maeka riki ma Tamara are i Karawa ao ara utu.

E reireinira taian koroboki aika tabu bwa a mwaiti taian kakabwaia aika a katauraoaki iroun Iesu Kristo. Kam uringa karakin miin Riai? E nora te aroka Riai. Te aroka e onea mwin ana tangira Tamara are i Karawa ao Iesu Kristo.

Iaon te aroka bon te uaa are e na kakukureia aomata. E katonga te uaa, ao e onrake n te kimwareirei ae korakora. E tangiriia ana utu ni kabane Riai bwa a na katonga te ua. (Tara 1 Nibwaai 8:10–12).

Uan te aroka e onea mwin taian kakabwaia are ti karekea mairoun Iesu Kristo ao Ana Mwakuri ni Kamaiu. Ti katonga te ua ngkana ti onimakina Iesu Kristo, ngke ti bwabetitoaki ao ni karekea te Tamnei ae Raoiroi, ao ngkana ti maiuakina te euangkerio ao n namakina ana tangira are Tia Kamaiu.

Te Waaki ae na Karaoaki

Kanakoa iteranibwa R5, ao katoka iaon te beeba ae tinebu. Korei bwangabwanga n te aroka iaon rain aika mainaina, ao korea maiai te ua. Ibukin teuana te ua nora te koroboki ae tabu, kina te kakabwaia ae e a tia n anganira Tamara are i Karawa, ao koreia iaon te rain. Karina beeban te ua inanon te bwangabwanga iaon te aroka.

Moronai 6:8_______________

Motiaea 16:7–8_______________

Ioane 14:27_______________

Ebera 12:2_______________

2 Nibwaai 31:20_______________

3 Nibwaai 19:21_______________

Ioane 8:12_______________

Moronai 8:17_______________

3 Nibwaai 27:13_______________

Moronai 7:41_______________

Iango ibukin Tibwauaan te Tai

N te maiu ae aki mamate, I rineia n ira Iesu Kristo. Tuangia ataei bwa na atong araia tabeua aia rinerine ae a tia ni karaoia n te bong anne (tera kunikaia,tera kanaia, ao tabeua riki). Korei kaeka iaon te burakiboti. Kamatata bwa Tamara are i Karawa e a tia n anganira te inaomata n rinerine, te konabwai ni karaoi taian rinerine. Anga reirei n taekan te Kabowi i Karawa, ngke e kaota Ana babaire Tamara are i Karawa. Kamatata bwa kabonganakin inaomatara n rinerine bon iteran te babaire anne ae moan te kakawaki. Buokia ataei n oota bwa Tatan e tangira bitakin te babaire ao n ara konabwai n rinerine. E tangiria Iesu Kristo n ira ana babaire Tamara are i Karawa ao n anganano bwa e na riki bwa ara Tia Kamaiu. Katurutura nakoia ataei bwa a na rinea ae a na iriira Iesu Kristo (tara Moanrinan 6, reirei 2). Korei titiraki ni buokia ataei ni manga rinanon are a tia n reiakinna. Katukui inanon te boora.Rinea te ataei are e na anaa te titiraki mai nanon te boora ao ni kaeka. Ngkanne te ataei e na rinea temanna riki n anaa te titiraki ao ni kaeka. Wakinna ngkana e tau te tai. Kaota te koaua ibukin raoiroin reitinakon iriran Iesu Kristo.
Au utu ao Ngai ti na manga kautaki. Imwain taina ao ma ana kariaia te bitiobi ke te beretitenti n te mwaanga, kaoa te membwa temanna are e a tia n nora maten temanna ae moan te tatangiraki irouna ni kaota ana koaua bwa tera nanon te Mangauti iroun teuanne ke neienne. Katukui tamnein te Gospel Art Picture Kit n te bwariko teuana n aron baireana aei ma 227 mai eta: 227 (E Tataro Iesu i Ketetemane), 228 (Kamwanean Iesu), 230 (Te Tauraki iaon te Kaibwangaki), 231 (Taunakin Iesu), 233 (Maria ao te Uea ae tia n Uti), 234 (E Kaoti Ikoakina Iesu), ao 316 (E Anga reirei Iesu ni Iteran te Aonaaba i Tani-Maeao). Ngke e katangitangi te tia piano, kamenaia ataei ni baatina te atibu ae uarereke imarenaia. Kaongoia bwa bon katotongan te atibu are e karabinoaki mai matan ruanimwaten Kristo. Ngkana e toki te katangitang, tuanga te ataei are e taua te atibu n ana te tamanei mai iaon te bwariko ao n taekina taekana ke n rinea temanna bwa e na buokia. Reitia nako ibukin te tamnei teuana, ni motirawa imwin 234 ni wareka Ruka 24:39 ni bootaki. Buokia ataei bwa a na oota bwa imwin kautakin Iesu, a kona Abotoro n namakina Baina n ti te arona naba ae ataei a kona n namakina bon oin baia. Reitia nako ma nikiran taian tamnei. Reirei bwa ibukin ana Mwakuri ni Kamaiu Iesu Kristo, ni kabane are e a tia ni maiu iaon te aonaaba a na kautaki. Kamena te irua are e kaoaki ni kaota ana koaua.

E kabwarabwaraki n te koro tamnei iroun Brad Teare