Te Rain iaon te Rain

Iakobo 1:5–6

Te Abotoro ae Iakobo e reireinira kingin reken te wanawana mairoun te Atua.

5 Ngkana akea ana rabakau temanna i buakomi, ao e na butia te Atua, ae tituaraoi n angangania aomata ni kabaneia, n aki ngurengureakiniia; ao e na bon anganaki.

6 Ma e na bubuti n onimaki, n aki nanokokoraki teutana: bwa ane e nanokokoraki ai aron naon marawa ae kabutaki n te ang, ao e kaueeaki.

Butia te Atua

Warekan te kibu aei iroun Iotebwa Timiti e kairia nakon te Buakonikai ae Tabu bwa e na tataro, ike e a kaoti naba nakoina te Moani Kaotioti (tara Joseph Smith—History 1:11–17). Ko kona ni iangoa temanna ae tataro ni bubuti te wanawana ao e kaekaaki ana tataro ae kaain am utu ke tao temanna ae ko ataia? Korea rongorongona n am boki n taua mwiin taiani karaki.

E anganiia Aomata ni Kabane

“Bon tibwangaia ana ataei te Atua ni kawara te Atua mani karekei kaotioti. … E aki Inanonano te Atua; ao ti tebo ngaira imatana.”

Te Burabeti Iotebwa Timiti, Teachings of Presidents of the Church: Joseph Smith (Te reirei ae wakinaki ibukiia Merekitereka ao Bootaki n Aine, 2007), 132.

Tituaraoi

Tituaraoi—aki tiatianaki, aki bwanga n tauti, bwabwaitangira.

Ngureakinna

Ngureakinna—kabuakaka, boaia, bukinna. N taekana riki teuana, Te Atua e na kaekako ao e aki kona n nanobuaka iroum ibukin am tataro Nakoina ae nako mai nanom ibukin kaekaan am titiraki.

E Na Bon Anganaki

Tamara are I Karawa e ongo ao e kaekai am tataro. Ana kaeka a roko n oin ana tai ao n aanga aika mwaiti—te katooto, n anga nako inanoni maiu, rinanon aia mwakuri n akoi tabeman, ke rinanon te bwana ae rau, ae maarara ae bwanan te Tamnei ae Mimitong. Aikai tabeua kawai aika ana katauraoiko bwa ko na karekea ana kairiri te Tamnei (man te “Kaotioti,” Te Koaua Nakon Te Onimaki [2004], 141–43):

Tataro ibukin te Kairiri
Bwaina te Karinerine.
Nanorinano.
Kawakin tuua.
Butimwaea te Toa ma te Tauraoi.
Karaua ni iangoia
Kamatebwaia Booki aika Tabu ni katoa bong.
Ngkana ko kakaea buokam ae raka, kamatebwaia raoi tebwai anne n am iango.
Kakaea nanon te Atua ma te nanorinano.

Bubuti ma te Onimaki

“E taku te Burabeti [Iotebwa Timiti] bwa imwiin warekan te kibu aei ao e ataia ma te nano ae koaua bwa e na kata te Uea man titirakinna ke na tiku n arona n aki oota inanon te rotongitong. … E a tia ni wareka te koroboki ae tabu, e mataata iai, e a tia n onimakina te Atua ae Tamana ae Akea Tokina; ao ngkai e katorobubua man tataro, ao e ataia bwa te Atua e na anganna te kaeka are rangi ni kainnanoia; Te Burabeti ae Iotebwa Timiti e reireiniira tuan te onimaki—man te mwakuri are karaoia.”

Beretitenti Thomas S. Monson, “The Prophet Joseph Smith: Teacher by Example,” Tambuli, Tuun 1994, 5; Ensign, Tuun 1994, 4.

Rongorongona ae bwanin mairoun te Tari Iotebwa, iroun David Lindsley; rawetamnei iroun David Newman