Titiraki ao Kaeka n taekan te Ekaretia
Bukin tera e aranaki te Ekaretia imwin Iesu?
E taku Iesu bwa e aranaki Irouna ibukina bwa bon Ana Ekaretia (tara 3 Nibwaai 27:8). E bwarongaia ni buokira n okira Tamara are i Karawa. Iesu Kristo bon mataniwin te Ekaretia.
Tera ae nanonaki n te “bong ni kaitira”?
E taku Iesu bwa e na aranaki Ana ekaretia ni boong aika kaitira bwa Ana Ekaretia Iesu Kristo ibukiia aika Itiaki ni Boong aika Kaitira (tara D&C 115:4). “Te bong ni Kaitira” nanona boong ni kaitira, te tai ae ti maiu inanona ngkai.
Tera ae nanonaki n “Aomata aika Itiaki”?
“Aomata aika Itiaki” nanona kaain ana Ekaretia Kristo. E taekinaki n koroboki aika tabu taekaia Aomata aika Itiaki n rinanon taai aika mwaiti.
Tain te O Tetemanti: Te Tua Kaua 33:3; Taian Areru.30:4
Tain te Nu Tetemanti: 1 I-Korinto 1:2
Tain Ana Boki Moomon: 1 Nibwaai 14:14; Moronai 8:26
Ana tai Iotebwa Timiti: Doctrine ao Covenants 57:1; 84:2
N te bong aei, kaain te Ekaretia a bon aranaki bwa Aomata aika Itiaki.
E kanga Iesu ni bwaronga Ana Ekaretia?
E bwaronga Ana Ekaretia Iesu ngke e maeka iaon te aba, ngke e kawara te kontenante ae Amerika, ao ngke E manga kaokia rinanon te Burabeti ae Iotebwa Timiti. Ni katoa te tai ngkana E rineia Abotoro ake Tengaun ma Uoman ke ana reirei ni Buokia ni katea abanuean te Atua iaon te aba n reirei man te euangkerio (tara Mareko 16:14–15; 3 Nibwaai 12:1).
E weteia naba burabeti Iesu bwa a na kaira te Ekaretia. Te Beretitenti n te Ekaretia bon te burabeti. E wetea Iotebwa Timiti Iesu bwa te moan burabeti ni boong aika kaitira. Thomas S. Monson bon te ka-16 ni Beretitenti n te Ekaretia. Te burabeti bon ti ngaia te aomata ae e kona ni karekea te kaotioti ibukin te Ekaretia ni katabwaninna.
Abotoro ake Tengaun ma Uoman n tain te Nu Tetemanti
Reirei ake Tengaun ma Uoman n tain Ana Boki Moomon
Abotoro ake Tengaun ma Uoman n te bong aei
Iotebwa Timiti te moan Beretitenti n te Ekaretia
Thomas S. Monson, te ka-16 ni Beretitenti n te Ekaretia
Burabeti ni Boong aika Kaitira
A kanga ara tia kairiiri n te Ekaretia ni buoka Iesu?
Ni kabane taan kairiiri n te Ekaretia a buoka Iesu man te beku ibukiia kaain te Ekaretia tabeman.
Te burabeti e kairiia Abotoro ake Tengaun ma Uoman.
Abotoro a kairiia kaain te Kooram n te Itingaun.
Aia Kooram kaain te Itingaun a buokia Abotoro n reireinia beretitenti n te titeiki ao mwakoro.
Beretitenti n te titeiki ao mwakoro a buokia bitiobi ao beretitenti n te mwaanga.
N taian uoote ao mwaanga, taian bitiobi ao beretitenti n te mwaanga, a kairiia beretitenti n te Bootaki n Aine, beretitenti n aia Bootaki Ataeinimwaane ao aia Bootaki Ataeinaine, beretitenti n te Moanrinan, beretitenti n te Reirei n Tabati, tia reirei n te mweenga ao ni kakawari, ao taan kairiiri tabeman.
Taan kairiiri ao tia reirei n taian uoote ao mwaanga a beku ibukira ni kabane.
Ko na kanga ni buoka Iesu?
Ko buoka Iesu ngkana ko kawakin Ana tua nako. Ko Buokia man irirakin te burabeti. Ko Buokia ngkana ko reiakina Taekana n iriira te taromauri ao ni wawareki koroboki aika tabu. Ko Buokia ngkana ko rinea te eti. Ni karaoakin bwaai aikai, ko a katauraoiko bwa ko na riki bwa te tia kairiiri n te tai ae na roko n te Ekaretia, Ana Ekaretia Iesu Kristo ibukiia aika Itiaki ni Boong aika Kaitira.
Noori Baiu ao Waeu, iroun Harry Anderson; Nibwaaite ake Teniman, iroun Gary L. Kapp; e kabwarabwaraki n te koro-tamnei iroun WeLDEN C. ANDERSEN; taekan Iotebwa Timiti te Tei, butimwaeaki iroun Community of Christ Archives, Independence, Missouri; tamnein Beretitenti Monson iroun David Newman