Te Rao nakon te Rao
Ana Berita te Burabeti
E tuangira te Uea bwa ti na ukorii tuua ake a koreaki n te Doctrine ao Covenants, bwa a koaua ao man onimakinaki. Taekan ni burabeti ake n te Doctrine ao Covenants a na bon kakoroaki nanoia (tara D&C 1:37).
Riananon maiu, I a tia n reiakinna bwa ngkana ti iri aia reirei burabeti, ti karekei kakabwaia ake a tia ni beritanaki. N te maungatabu ni kabuta n Eberi 1986, e berita Beretitenti Ezra Taft Benson (1899–1994) bwa ngkana a wareki koroboki aika tabu utu nako ni bootaki n taai nako, te Tamnei e na kaona mweengaia.1
Ngai ma kain abau ae tangiraki ti iangoia n ira te reirei anne. Ti katea ara kouru ni wareka te mwkoro teuana n te bongina man ana Boki Moomon ma natira aika teniman—Jorge, 10; Susi, 9; and Luis, 3. Ti wareware ni katoa bong, temanna n tatabemanira nako teuana te mwakoro n teuana te tai. E ngae ngke Luis e tuai moa ni kona te wareware, e tangiria ni kan ira naba buakora. E tekateka iaon rangau, ni kaitarai, ma ana Boki Moomon i marenara.Ngke e a roko au tai ni wareware, ti uaia n ira taboni baiu ngke I kotea te taeka teuana, ao Luis e a manga takaruaia n taekini taeka ake I wareki ngke e noori taeka akekei n ree.
Mai imwain ae e koro ana ririki ae nimaua, e titiraki Luis, “N ningai au tai ni wareware?”
Ti kabwarabwara bwa ngkana e a ikawai, e na nako n te reirei ao n reiakina te wareware.
E kaeka, “I a kaman ata aron te wareware!”
I mimi, I anganna ana Boki Moomon, E kauka te boki ni kareea, e tara are mai iaona, ao ni warekia n akea tibwanakona. E a tia n reirei ni wareware n iriirakin te wareware n ana Boki Moomon
Ngke ai onoua ana ririki, e irai Luis n tabetai ni kawaria kaain te Ekaretia. I tuangnga bwa e na tibwaua ana koaua n ai aron te rongorongo ae kimototo man te boki ae tabu are I a tia n reireinna. N te tai are e wareware man ana Boki Moomon, e taua ni karea ao n tara are mai iaona.
I kakoaua nakoimi bwa ngkana kam moana warekan koroboki aika tabu man ami tai n ataei, ko na oota riki n ana berita te Uea ao kam na ataa te bwai are E kantaningaia mai iroumi. Inanon tabeua te bong ao kam na riki bwa te karo mani karikiia oin natim. Reireinia ni wareki koroboki aika tabu, ao ko na noora kakoroan nanon te berita n Taeka n Rabakau 22:6: “Reireia te tei aroarona ae riai, ao ngkana e a unimwaane ao e bon aki kitanna.”
E a bane ngkai ana reirei Luis n te kura ae rietata ao e a mwakuri ni katabwanina ana tai. N aki tabe ni kanga n rimwi n okira mweengana man ana mwakuri, te reirei, ke katabeana n te Ekaretia, e bon wareka naba te mwakoro teuana man ana Boki Moomon imwain matuna. Ana berita te burabeti e a tia ma te koaua raoi ni kakoroaki bukina: imwin ara wareware n te boki ae kakawaki aei, ara utu e a tia n rangi ni kakabwaiaki ao ti a ikoikotaki riki.
I butimwai ngkami ni wareki koroboki aika tabu ni katoa bong. Ngkana e kona, warekia ma am utu. I kaumaki ngkami ataeinimwaane ni katauraoi ni karaoa ami mitinare. I butimwai ngkami ni kabane n iai ami kouru ni kabaeaki n te tembora ibukin ae akea tokiia. Ao ni kabaneana I tangiri ngkami n uringa ana reirei ae e nano Beretitenti Gordon B. Hinckley (1910–2008), are e tuangira: “Kam kainnanoi reirei ni kabane ake kam kona ni karekei. … Ngkana tao mwakuri n onono n aitibaoki, ke ana mwakuri te tia korokoro ae e mwatai, kam riai ni kataneiai ngkami”2
Natiu aika tangiraki, ongo irouia ami tia reirei, bwaina te ongotaeka n te umanreirei, karaoa ami kabanea n raoiroi, ao reiakin ni kabane ake kam kona. Iai iroun te Uea kakabwaia aika mwaiti aika a kawakinaki ibukimi ao ami utu nako. Tabera bwa ti na “iriira te burabeti, e ata te kawai.”3
Ni kania te ririki ae 16, n aki maan imwin bwabetitoana.
Natina te mwaane ae Luis n ana ririki ae aua.
Koro tamnei butimaeaki iroun Elder Octaviano Tenorio; kabwarabwaraki n te tamnei iroun Robert A. McKay